ଯଦି ତୁମେ ସକାଳୁ ଉଠିବା ପରେ ଶାହାରୁଖ୍ ଖାନ୍ ହୋଇଯିବ,ତେବେ କ’ଣ କରିବ?ପ୍ରଶ୍ନ ଶୁଣିବା ପରେ ଏଭଳି ଉତ୍ତର ରଖିଲେ ରାଧିକା
ମୁମ୍ବାଇ : ଅଧିକ ଫିଲ୍ମରେ ନଜର ନ ଆସିଥିଲେ ମଧ୍ୟ ନିଜର ନିଖୁଣ ଅଭିନୟ ପାଇଁ ସମସ୍ତଙ୍କ ପାଖରେ ପରିଚିତ ହୋଇ ପାରିଛନ୍ତି ବଲିଉଡ୍ ଅଭିନେତ୍ରୀ ରାଧିକା ଆପ୍ତେ । ଫିଲ୍ମରେ ଥିବା ତାଙ୍କର ନିଆରା ଅନ୍ଦାଜକୁ ଦର୍ଶକ ପସନ୍ଦ କରିବା ସହ କିଛି ଦିନ ତଳେ ରିଲିଜ ହୋଇଥିବା ଫିଲ୍ମ ‘ଲଷ୍ଟ ଷ୍ଟୋରିଜ’ ପାଇଁ ସେ ଚର୍ଚ୍ଚାରେ ଅଛନ୍ତି । ତେବେ ପ୍ରକୃତ କଥା ହେଲା ରାଧିକା ଏବଂ ନଓ୍ଵାଜୁଦ୍ଦିନ ସିଦ୍ଦିକିଙ୍କୁ କିଛି ଦିନ ତଳେ ଏକ ଚାଟ୍ ସୋ’କୁ ଡ଼କା ଯାଇଥିଲା । ଯେଉଁଠି ରାଧିକାଙ୍କୁ ଏକ ମଜାଦାର ପ୍ରଶ୍ନର ସାମ୍ନା କରିବାକୁ ପଡ଼ିଥିଲା ।
Sambad is now on WhatsApp
Join and get latest news updates delivered to you via WhatsApp
ଯଦି ଗୋଟେ ଦିନ ସେ ବଲିଉଡ୍ର ବାଦ୍ଶାହା ଶାହାରୁଖ୍ ଖାନ୍ ହୋଇ ଯାଆନ୍ତି ତେବେ କ’ଣ କରିବେ ବୋଲି ତାଙ୍କୁ ପଚରାଯିବା ପରେ ପ୍ରଶ୍ନର ମଜାଦାର ଉତ୍ତର ରଖିଥିଲେ ରାଧିକା । ସେ କହିଥିଲେ, “ମୁଁ ଫିଲ୍ମକୁ ନେଇ ଟିକେ ଅଧିକ ପରୀକ୍ଷା କରିବି । କାରଣ ମୋ ଜାଣିବାରେ ଶାହାରୁଖ୍ ଜଣେ ବହୁତ ଭଲ ଅଭିନେତା, ଯିଏକି ନିଜ କ୍ୟାରିୟର ଆରମ୍ଭ ଏଭଳି ଭାବେ କରିଥିଲେ । ପ୍ରତିଟି ଚରିତ୍ରକୁ ନେଇ ସେ ପରୀକ୍ଷା କରିବା ସହ ସଫଳ ହୋଇଥିଲେ । ମୁଁ ମଧ୍ୟ ଜଣେ ଶାହାରୁଖ୍ ଖାନ୍ ହେଲେ ଏଭଳି କିଛି କରିବି।”