ରହମାନ୍-ସାଇରା: କିଛି ଜଣା କିଛି ଅଜଣା

ଓସ୍କାର ବିଜେତା ସଂଗୀତ ନିର୍ଦ୍ଦେଶକ ଏ. ଆର୍. ରହମାନ୍ ଓ ତାଙ୍କ ପତ୍ନୀ ସାଇରା ବାନୁଙ୍କ ବିବାହ ବିଚ୍ଛେଦ ଖବର ଏବେ ସର୍ବଜନବିଦିତ। ସେମାନଙ୍କ ବିବାହକୁ ୩୦ ବର୍ଷ ପୂରିବାକୁ ମାତ୍ର ଗୋଟାଏ ବର୍ଷ ବାକି ଥିବା ବେଳେ ଭାଙ୍ଗିଯାଇଛି ଦାମ୍ପତ୍ୟର ପ୍ରାଚୀର। ବଲିଉଡ୍‌ର ଏହି ଚର୍ଚ୍ଚିତ ଯୋଡ଼ିଙ୍କ ସଂପର୍କରେ କିଛି ଜଣା ଓ ଅଜଣା କଥା ନିମ୍ନରେ ଉଲ୍ଲେଖ କରାଯାଇଛି।

 ୨୯ ବର୍ଷ ତଳେ ଆୟୋଜିତ ବିବାହ କରିଥିଲେ ଏ. ଆର୍. ରହମାନ୍ ଓ ସାଇରା ବାନୁ।
 ସାଇରାଙ୍କୁ ରହମାନଙ୍କ ମାଆ ଏକ ମନ୍ଦିରରେ ଦେଖିବା ପରେ ପ୍ରଥମ ନଜରରେ ପସନ୍ଦ କରି ତାଙ୍କ ଘରକୁ ପ୍ରସ୍ତାବ ନେଇ ଯାଇଥିଲେ। ସାଇରାଙ୍କ ଘର ସେହି ମନ୍ଦିର ପାଖରେ ଥିଲା ଏବଂ ସେଦିନ ହିଁ ରହମାନଙ୍କ ମାଆ ସାଇରାଙ୍କୁ ପ୍ରଥମେ ଜାଣିଲେ।
  କାର୍ଯ୍ୟବ୍ୟସ୍ତତା ହେତୁ ନିଜ ପାଇଁ ଝିଅ ଦେଖିବାକୁ ରହମାନ୍‌ଙ୍କ ନିକଟରେ ସମୟ ନଥିବାରୁ ତାଙ୍କ ବିବାହ ଦାୟିତ୍ବ ସେ ମାଆ ଓ ଭଉଣୀଙ୍କୁ ସମର୍ପିଥିଲେ।
 ନିଜର ୨୮ତମ ଜନ୍ମଦିନରେ (୧୯୯୫ ମସିହା ଜାନୁଆରି ୬ ତାରିଖ) ସାଇରାଙ୍କୁ ପ୍ରଥମେ ଭେଟିଥିଲେ ରହମାନ୍।
 ସାକ୍ଷାତ ପରେ ଫୋନ୍‌ରେ ବାର୍ତ୍ତାଳାପ ଆରମ୍ଭ ହୋଇଥିଲା ଓ ପରେ ସେହିବର୍ଷ ମାର୍ଚ୍ଚ ୧୨ ତାରିଖରେ ଏ. ଆର୍. ରହମାନ୍ ଓ ସାଇରା ବାନୁ ପରସ୍ପରଙ୍କୁ ବିବାହ କରିଥିଲେ।
 ଏ. ଆର୍. ରହମାନ୍ ୧୯୬୭ ମସିହା ଜାନୁଆରିରେ ଜନ୍ମଲାଭ କରିଥିବା ବେଳେ ସଇରାଙ୍କ ଜନ୍ମ ୧୯୭୩ ମସିହା ଡିସେମ୍ବରରେ। ଉଭୟଙ୍କ ମଧ୍ୟରେ ବୟସର ବ୍ୟବଧାନ ପ୍ରାୟ ୭ ବର୍ଷ।