ହିନ୍ଦୀ ସିନେମାର ସୋ-ମ୍ୟାନ୍‌ ଭାବେ ପରିଚିତ ରାଜ୍‌ କପୁରଙ୍କ ଲୋକପ୍ରିୟତା ଭାରତ ବାହାରକୁ ବ୍ୟାପିଛି। ତୁର୍କୀରେ ବି ସେ ବେଶ୍‌ ଲୋକପ୍ରିୟ ଥିଲେ। ରାଜ କପୁରଙ୍କର ୯୬ତମ ଜୟନ୍ତୀ ଅବସରରେ ଅଭିନେତା ଶତ୍ରୁଘ୍ନ ସିହ୍ନା ତୁର୍କୀର ଏକ ବିବାହର ଭିଡିଓ ସେୟାର କରିଛନ୍ତି। ସେଇ ଭିଡିଓରେ ରାଜ କପୁର୍‌ଙ୍କ ଗୀତ ‘ଆୱାରା ହୁଁ..’ର ସଂଗୀତ ବାଜୁଥିବା ବେଳେ ଲୋକେ ସେହି ଗୀତର ନୃତ୍ୟରେ ତଲ୍ଲୀନ ଥିବା ଦେଖିବାକୁ ମିଳୁଛି। ଶଙ୍କର ଜୟକିଶନଙ୍କ ସଂଗୀତ ନିର୍ଦେଶନାରେ ଏହି ଗୀତକୁ ଗାଇଥିଲେ ମୁକେଶ। ଏହି ଭିଡିଓ ସେୟାର କରି ଶତ୍ରୁଘ୍ନ ସିହ୍ନା ରାଜ କପୁରଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି।