ଏବେ ମହିଳା ସାମ୍ବାଦିକ ଆଣିଲେ ରଜତ କପୁରଙ୍କ ବିରୋଧରେ ଯୌନ ଶୋଷଣର ଅଭିଯୋଗ
ମୁମ୍ବାଇ: ଅଭିନେତ୍ରୀ ତନୁଶ୍ରୀ ଦତ୍ତାଙ୍କ ନାନା ପାଟେକର , କଙ୍ଗନା ରନାଓ୍ଵତ୍ ଙ୍କର ନିର୍ଦ୍ଦେଶକ ବିକାଶ ବହଲଙ୍କ ଉପରେ ଯୌନ ଶୋଷଣର ଅଭିଯୋଗ ଏବେ ଚର୍ଚ୍ଚାରେ ଥିିବା ବେଳେ ଆଉ ଦୁଇଜଣ ମହିଳା ଆଣିଛନ୍ତି ଜଣେ ଅଭିନେତାଙ୍କ ନାଆଁରେ ସମାନ ଅଭିଯୋଗ।
ଅଭିଯୋଗକାରିଣୀ ଏହି ଦୁଇ ମହିଳାଙ୍କ ଭିତରୁ ଜଣେ ମହିଳା ସାମ୍ବାଦିକ ବି ଅଛନ୍ତି। ଏହି ମହିଳା ସାମ୍ବାଦିକଙ୍କ ନାଆଁ ହେଲା ସନ୍ଧ୍ୟା ମେନନ୍। ସେ ଟ୍ୟୁଟର ଜରିଆରେ ନିଜ ସହ ଘଟିଥିବା କଥାର ଉଲ୍ଲେଖ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ ଲେଖିଛନ୍ତି ଯେ ଅଭିନେତା ତଥା ମେକର୍ ରଜତ କପୁରଙ୍କର ଟେଲିଫୋନ ଜରିଆରେ ଏକ ସାକ୍ଷାତକାର ନେଉଥିଲେ। ସେତେବେଳେ ହଠାତ୍ ରଜତ କହିଥିଲେ ଯେ ତୁମର କଣ୍ଠ ଯେମିତି ସେକ୍ସି ତମେ ବି କ’ଣ ସେମିତି ସେକ୍ସି? ଏକଥାକୁ ସେ ଗୁରୁତ୍ୱ ନ ଦେଇ ପୁଣି ଅନ୍ୟ ପ୍ରଶ୍ନ ପଚାରିଥିଲେ। ଏହାପରେ ରଜତ କହିଥିଲେ ତୁମେ ମୁମ୍ବାଇ ଆସ , ମୁଁ ତୁମକୁ ଉପରକୁ ନେଇଯିବି। ଏକଥାକୁ ଗୁରୁତ୍ୱ ନ ଦେଇ ବି ରଜତ କପୁରଙ୍କ ସାକ୍ଷାତକାର ଛାପିଥିଲେ ସେ।
I don’t even know any more.
Filmmaker Rajat Kapoor
Two separate and different accounts pic.twitter.com/nBjNOsun3j
— Sandhya Menon (@TheRestlessQuil) 7 October 2018
ଅନ୍ୟ ଜଣେ ମହିଳା ଲେଖିଛନ୍ତି ଯେ ତାଙ୍କ ସହ ଏକ ଖାଲି ଘରେ ସୁଟିଂ କରିବାକୁ ଚାହୁଁଥିଲେ ରଜତ କପୁର । ଏହି କଥା ପ୍ରଘଟ ହେବାପରେ ଟ୍ୟୁଟର ଜରିଆରେ କ୍ଷମା ପ୍ରାର୍ଥନା କରିଛନ୍ତି ରଜତ କପୁର ।