କ୍ଷମା କରିଦେବେ ପୋଷ୍ଟ କରିଥିବା ଭିଡିଓ ଡିଲିଟ କରି ଦେଇଛି

ମୁମ୍ବାଇ: ବଲିଉଡ ଅଭିନେତା କାର୍ତ୍ତିକ ଆରୟନଙ୍କ 'ଭୁଲ ଭୁଲୈୟା-୩' ରିଲିଜ ହୋଇସାରିଛି। କିଛି ଦିନ ତଳେ 'ଭୁଲ ଭୁଲୈୟା-୩'ର ପ୍ରଥମ ଝଲକ ଦେଖାଇ କାର୍ତ୍ତିକ ଆରୟନ ନିଜ ଇନଷ୍ଟାଗ୍ରାମରେ ଫିଲ୍ମର ଟିଜର ରିଲିଜ୍ କରିବା ପରେ ଅକ୍ଟୋବର ୯ରେ ଏହାର ଟ୍ରେଲର ରିଲିଜ୍ ହୋଇଥିଲା।
'ଭୁଲ ଭୁଲୈୟା-୩'ରେ ବଲିଉଡର କମେଡି ଅଭିନେତା ରାଜପାଲ ଯାଦବଙ୍କ ମଜାଳିଆ ଭୂମିକା ଦେଖିବାକୁ ମିଳୁଛି। ସେ ଏହି ସିନେମାରେ ଛୋଟେ ପଣ୍ଡିତ ଭୂମିକାରେ ଅଭିନୟ କରି ଦର୍ଶକଙ୍କ ବେଶ ମନୋରଞ୍ଜନ କରୁଛନ୍ତି। 

ଏହି କ୍ରମରେ ରାଜପାଲ ଯାଦବ କ୍ଷମା ମାଗିଥିବାର ଏକ ଘଟଣା ସାମ୍ନାକୁ ଆସିଛି। କିଛିଦିନ ତଳେ ରାଜପାଲ ଦୀପାବଳିରେ ବାଣ ନଫୁଟାଇବାକୁ ନେଇ ଏକ ଭିଡିଓ ସେୟାର କରିଥିଲେ। ଏହି ଭିଡିଓକୁ ନେଇ ଲୋକେ ଅସନ୍ତୋଷ ବ୍ୟକ୍ତ କରିବା ସହିତ ଟ୍ରୋଲ କରିଥିଲେ। 

ରାଜପାଲ ସୋସିଆଲ ମିଡିଆ ଆକାଉଣ୍ଟରେ ଏକ ଭିଡିଓ ସେୟାର କରି କହିଛନ୍ତି,  ‘ନମସ୍କାର ସାଥୀମାନେ। ଦୀପାବଳି ପାଇଁ ଅନେକ ଅନେକ ଶୁଭକାମନା। କିଛିଦିନ ପୂର୍ବରୁ ମୁଁ ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରିଥିଲି। ଯାହାକୁ ଡିଲିଟ କରି ଦେଇଛି। ଏହି ଭିଡିଓ ଦ୍ବାରା ଦେଶ-ଦୁନିଆର ଯାହାଙ୍କୁ ବି ଆଘାତ ପହଞ୍ଚିଥିବ ମୋତେ କ୍ଷମା କରିଦେବେ। ମୁଁ କ୍ଷମା ମାଗୁଛି। ଦୀପାବଳିକୁ ଖୁସିରେ ପାଳନ କରି ଖୁସିରେ ଓ ସୁସ୍ଥ ରୁହନ୍ତୁ। ଜୟ ହିନ୍ଦ ଜୟ ଭାରତ।

ଉଲ୍ଲେଖଯୋଗ୍ୟ, ରାଜପାଲ ଯାଦବଙ୍କ ବ୍ୟକ୍ତିଗତ ଜୀବନ କଥା କହିଲେ ୨୦୧୦  ମସିହାରେ ରାଜପାଲ ଯାଦବ ଓ ତାଙ୍କ ପତ୍ନୀ ରାଧା ଯାଦବ ପିଲ୍ମ ନିର୍ମାଣ ପାଇଁ ଏକ କମ୍ପାନିଠାରୁ ୫ କୋଟି ଟଙ୍କା ଋଣ ନେଇଥିଲେ। ପରବର୍ତ୍ତୀ ସମୟରେ ରାଜପାଲ ଏହି ଋଣ ଶୁଝି ନଥିଲେ। ଏନେଇ ଋଣ ଦେଇଥିବା କମ୍ପାନି ଏକ ମାମଲା ରୁଜୁ କରିଥିଲେ। ସେହି ମାମଲା ଆଧାରରେ କୋର୍ଟ ତାଙ୍କୁ ଦଣ୍ଡିତ ବି କରିଥିଲେ।

ଅଧିକପଢ଼ନ୍ତୁ:ସହି ପାରିଲେ ନାହିଁ ସ୍ତ୍ରୀର ନିର୍ଯାତନା, ଦୁଇପିଲା ସହିତ ସ୍ହାମୀ ହାରିଦେଲେ ଜୀବନ