ଭୁବନେଶ୍ୱର: ଓଲିଉଡର ଜଣେ ଲୋକପ୍ରିୟ ନାୟିକାଙ୍କୁ ନାୟକ କହିବେ ‘ତୁ କହିଦେ ଆଇ ଲଭ ୟୁ’। ଏହା ଏକ ନୂଆ ସିନେମାର ଶୀର୍ଷକ ‘ତୁ କହିଦେ ଆଇ ଲଭ ୟୁ’ । ଏହି ସିନେମାରେ ନାୟକ ଭୂମିକାରେ ଅଛନ୍ତି ରାକେଶ ଓ ନାୟିକା ଭୂମିକାରେ ଅଛନ୍ତି ଦିବ୍ୟାଦିଶା। ଏହା ଏକ ରୋମାଣ୍ଟିକ୍ କମେଡି ବୋଲି ଶୁଣିବାକୁ ମିଳୁଛି। ତଥାପି ଏଥିରେ ରାକେଶଙ୍କର ଜବରଦସ୍ତ ଆକସନ୍ ସିନ ରହିଛି।
Sambad is now on WhatsApp
Join and get latest news updates delivered to you via WhatsApp
ଏହି ସିନେମାରେ ପ୍ରୀତିରାଜ, ମିହିର ଦାସ, ପ୍ରଜ୍ଞା ଓ ଜୀବନ ପଣ୍ଡା ପ୍ରମୁଖ ବି ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଏହାର ପ୍ରଯୋଜନା କରୁଛନ୍ତି ବିକ୍ରମ ମହାପାତ୍ର। ଏସ୍ ଜିତେନ୍ଦ୍ର କୁମାର ଏହାର ନିର୍ଦ୍ଦେଶକ ।
ରାକେଶଙ୍କର ଏହା ଦ୍ୱିତୀୟ ସିନେମା ହୋଇଥିବା ବେଳେ ଦିବ୍ୟାଙ୍କର ଏହା ତୃତୀୟ ସିନେମା। ରାକେଶଙ୍କର ପ୍ରଥମ ଓଡ଼ିଆ ସିନେମା ଥିଲା ‘ଲଭ ପ୍ରମିଜ୍’। ଅପରପକ୍ଷରେ ଦିବ୍ୟାଦିଶାଙ୍କର ପ୍ରଥମ ଓଡ଼ିଆ ସିନେମା ଥିଲା‘ସୁନ୍ଦରଗଡ଼ର ସଲମାନ୍ ଖାନ୍’ । ଏବେ ତାଙ୍କ ଅଭିନୀତ ଦ୍ୱିତୀୟ ସିନେମା ‘ପ୍ରେମ ଏଟିଏମ୍’ଏବେ ରିଲିଜ୍ ପାଇଁ ପ୍ରସ୍ତୁତ ହେଉଥିବା ଜଣାଯାଇଛି। ଏହି ନୂଆ ଯୋଡ଼ି କି କମାଲ୍ କରୁଛନ୍ତି, ତାହା ଦେଖିବାକୁ ବାକି ରହିଲା।