ନୂଆଦିଲ୍ଲୀ: ଡ୍ରାମା କୁଇନ ରାକ୍ଷୀ ସାୱନ୍ତଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି। ରାକ୍ଷୀଙ୍କୁ ମୁମ୍ବାଇ ପୁଲିସ ଗିରଫ କରିଛି ବୋଲି ଶାର୍ଲିନ ଚୋପ୍ରା ଟୁଇଟ କରି ଏହି ସୂଚନା ଦେଇଛନ୍ତି। କିଛିଦିନ ପୂର୍ବେ ଶାର୍ଲିନ ଚୋପ୍ରା ରାକ୍ଷୀ ସାୱନ୍ତଙ୍କ ବିରୋଧରେ ମୁମ୍ବାଇ ପୁଲିସରେ ଅଭିଯୋଗ କରିଥିଲେ। ଏହାକୁ ଆଧାର କରି ରାକ୍ଷୀଙ୍କୁ ପୁଲିସ ଗିରଫ କରିଛି।

Advertisment

ଜାନୁଆରି ୧୯ ତାରିଖ ଅର୍ଥାତ ଗୁରୁବାର ଦିନ ଶାର୍ଲିନ ଚୋପ୍ରା ଟୁଇଟ କରି ଲେଖିଛନ୍ତି, ‘ବ୍ରେକିଂ ନ୍ୟୁଜ ଅମ୍ବୋଲି ପୁଲିସ ୮୮୩/୨୦୨୨ ମାମଲାରେ ରାକ୍ଷୀ ସାୱନ୍ତଙ୍କୁ ଗିରଫ କରିଛି। ଗତକାଲି ରାକ୍ଷୀଙ୍କ ଏବିଏ ୧୮୭୦/୨୦୨୨କୁ ମୁମ୍ବାଇ ଅଦାଲତ ଖାରଜ କରିଥିଲେ।

‘ବିଗବସ-୧୬’ ଆରମ୍ଭ ହେବାପରେ ଶାର୍ଲିନ ଚୋପ୍ରା ସିନେ ନିର୍ମାତା ସାଜିଦ ଖାନଙ୍କୁ ନେଇ ଅସନ୍ତୋଷ ବ୍ୟକ୍ତ କରିଥିଲେ। ଶାର୍ଲିନ କହିଥିଲେ, ‘ଯେଉଁ ମଣିଷ ଅନେକ ଯୁବତୀଙ୍କୁ ନିର୍ଯାତନା ଦେଇଛନ୍ତି, ତାଙ୍କୁ ଏହି ସୋ’ରେ ରହିବାର କୌଣସି ଅଧିକାର ନାହିଁ।’  ଏହାପରେ ଶାର୍ଲିନ ସାଜିଦ ଖାନଙ୍କ ବିରୋଧରେ ଅଭିଯୋଗ ନେଇ ଥାନାରେ ପହଞ୍ଚିଥିଲେ।

ରାକ୍ଷୀ ସାୱନ୍ତ ସାଜିଦ ଖାନଙ୍କୁ ଭାଇ କରିଛନ୍ତି ବୋଲି ଜଣାପଡ଼ିଛି। ଏଥିପାଇଁ ଶାର୍ଲିନ କରିଥିବା ଅଭିଯୋଗକୁ ସେ ସମ୍ପୂର୍ଣ୍ଣ ଭାବେ ମଥ୍ୟା ବୋଲି କହିଥିଲେ।  ଏଥିସହିତ ଶାର୍ଲିନଙ୍କୁ ଅନେକ ଆଶ୍ଳୀଳ ଭାଷା‌ରେ ଗାଳିଗୁଲଜ ମଧ୍ୟ କରିଥିଲେ। ଏହାପରେ ଶାର୍ଲିନ  ରାକ୍ଷୀ ସାୱନ୍ତଙ୍କ ବିରୋଧରେ ମୁମ୍ବାଇ ପୁଲିସ‌ରେ ଅଭିଯୋଗ କରିଥିଲେ। ଆଉ ଟୁଇଟ ବି କରିଥିଲେ। ସେ ସମୟରେ ଶାର୍ଲିନ ଟୁଇଟ କରି ଲେଖିଥିଲେ, ‘ଧାରା ୪୯୯, ୫୦୦, ୫୦୯ ଓ ୫୦୩ ଅନ୍ତର୍ଗତ ମାମଲା ରୁଜୁ ହୋଇଛି। ଡ୍ରାମାବାଜ ରାକ୍ଷୀ ଗିରଫ ହେବା ପାଇଁ ପ୍ରସ୍ତୁତ ରୁହ।’