ମିଛ ଥିଲା ଦୀପକଙ୍କ ସହ ରାକ୍ଷୀଙ୍କ ବିବାହ ଖବର! ପବ୍ଲିସିଟି ପାଇଁ ରକ୍ଷୀ କରିିଥିଲେ ନାଟକ

ମୁମ୍ବାଇ : ବଲିଉଡ୍‌ର ବିବାଦୀୟ ଅଭିନେତ୍ରୀ ଭାବରେ ରାକ୍ଷୀ ସାଓ୍ଵନ୍ତଙ୍କୁ ସମସ୍ତେ ଜାଣନ୍ତି । ପ୍ରତିଥର ସେ କିଛି ନା କିଛି କଥାକୁ ନେଇ ବିବାଦୀୟ ମନ୍ତବ୍ୟ ଦେବାକୁ ପଛାଉ ନ ଥିବା ବେଳେ ନିଜକୁ ଚର୍ଚ୍ଚାରେ ରଖିବା ପାଇଁ ସେ କିଛି ବି କରି ପାରନ୍ତି । ଏହାର ଉଦାହରଣ ଲୋକମାନଙ୍କୁ ପୂର୍ବରୁ ଅନେକ ଥର ମିଳି ସାରିଛି । ଏବେ ଆଉ ଏକ ଘଟଣାକୁ ନେଇ ତାଙ୍କୁ ଅସଲ ମୁଖା ସମସ୍ତଙ୍କ ଆଗକୁ ଆସିଛି। କିଛି ଦିନ ତଳେ ଡ଼ିସେମ୍ବର ୩୧ରେ ରାକ୍ଷୀ ଦୀପିକା କଲାଲଙ୍କୁ ବିବାହ କରିବେ ବୋଲି କହିଥିବା ବେଳେ ବିବାହର କାର୍ଡ଼ ମଧ୍ୟ ଭାଇରାଲ ହୋଇଥିଲା । ଏବେ ତାହା ଏକ ପବ୍ଲିସିଟି ଷ୍ଟଣ୍ଟ ଥିଲା ବୋଲି ଜଣାପଡ଼ିଛି ।

View this post on Instagram

Im sorry Depak im blocking u because u Guy’s abuse me my body I don’t like that my full film Indstre is very upset fun is over im nice girl ?? I don’t want anything cheap pablicity my Fan’s r very upset so bye bye bhot ho gya mazak bass my boyfriend is very very upset he told me he will not merry me inaff good bye im going to usa ?? with my boyfriend I don’t wanted to spoil my life playing darty game sorry everyone iff I hart enyone cos I love god and my Fan’s

A post shared by Rakhi Sawant (@rakhisawant2511) on Dec 4, 2018 at 3:40pm PST

ଇନ୍‌ଷ୍ଟାରେ ଏକ ଭିଡିଓ ସେୟାର କରି, ମୋତେ କ୍ଷମା କରିବ ଦୀପକ,ମୋ ପରିବାର ମୋ ଉପରେ ରାଗିଛି । ଯାହା ବି ହୋଇଛି, ତାହାକୁ ମୋ ପରିବାର ଜମା ବି ପସନ୍ଦ କରୁ ନାହାନ୍ତି । ୧୪-୧୫ବର୍ଷ ହେଲାଣି ମୁଁ ଫିଲ୍ମ ଇଣ୍ଡଷ୍ଟ୍ରିରେ ରହିଛି । ମୁଁ ଏଭଳି ଖରାପ କାମ କରିବାକୁ ଚାହୁଁନି, ଯାହା ବି ଥିଲା ସବୁ ଭୁଲିଯାଅ । ମୋର ପ୍ରେମିକ ମୋ ଉପରେ ରାଗିଛି । ଏବେ ସେ ମୋତେ ବିବାହ କରିବେ ନାହିଁ । ମୁଁ ମୋ ଜୀବନ ଖରାପ କରିବାକୁ ଚାହୁଁନାହିଁ । ମୋ ପାଇଁ କାହା ମନ ଦୁଃଖ ହୋଇଥିଲେ ମୋତେ କ୍ଷମା କରିବେ ବୋଲି କହିଥିବା ଦେଖାଯାଇଛି । ରାକ୍ଷୀଙ୍କ ଏହି ଭିଡିିଓ ପରେ ଦୀପକଙ୍କୁ ବିବାହ କରିବା ଏକ ପବ୍ଲିସିଟି ଷ୍ଟଣ୍ଟ ଥିଲା ବୋଲି ଲୋକେ କହିବା ଆରମ୍ଭ କରିଛନ୍ତି । କିଛି ଲୋକ ରାକ୍ଷୀଙ୍କ ଏହି ଭିଡ଼ିଓକୁ ମଧ୍ୟ ପବ୍ଲିସିଟି ଷ୍ଟଣ୍ଟ ବୋଲି କହିବା ଆରମ୍ଭ କରିଛନ୍ତି ।