ମୋତେ ଲାଗେ ନାହିଁ ରଜନୀକାନ୍ତ ସୁପରଷ୍ଟାର ହୋଇପାରିଥାଆନ୍ତେ: ରାମ ଗୋପାଳ ବର୍ମା

ନୂଆଦିଲ୍ଲୀ: ଫିଲ୍ମ ନିର୍ମାତା ରାମ ଗୋପାଳ ବର୍ମା ତାଙ୍କର ଆଗାମୀ ଫିଲ୍ମ 'ସାଢ଼ି'ର ପ୍ରମୋସନରେ ବ୍ୟସ୍ତ ଅଛନ୍ତି। ଏହି ଫିଲ୍ମ ଏପ୍ରିଲ ୪ରେ ମୁକ୍ତିଲାଭ କରିବାକୁ ଯାଉଛି। ପ୍ରମୋସନ ସମୟରେ ଫିଲ୍ମ ବିଷୟରେ ଆଲୋଚନା କରି ରାମ ଗୋପାଳ ବର୍ମା କହିଥିଲେ 'ସାଢ଼ି' ଅନେକ ବାସ୍ତବ ଜୀବନ ଘଟଣା ଦ୍ବାରା ଅନୁପ୍ରାଣିତ। 

ଏହି ଅବସରରେ ଏକ ପ୍ରସଙ୍ଗ ଉପରେ ଆଲୋଚନା କରି ରାମ ଗୋପାଳ କହିଥିଲେ, ‘ରଜନୀକାନ୍ତ ଜଣେ ଅଭିନେତା ହୋଇପାରିଥାନ୍ତେ କିନ୍ତୁ ସୁପରଷ୍ଟାର ନୁହେଁ। ରାମ ଗୋପାଳ ବର୍ମା କହିଥିଲେ, "ମୁଁ କଥା ହେଉଥିଲି ଯେ କିପରି ବୈଷୟିକ ଦିଗଗୁଡ଼ିକ ଜଣେ ଅଭିନେତାଙ୍କ ଷ୍ଟାରଡମକୁ ପ୍ରଭାବିତ କରିପାରେ। ସ୍ଲୋ ମୋସନ କ୍ୟାମେରା ତାଙ୍କୁ ସୁପରଷ୍ଟାର କରିଛି। ଏହି କ୍ୟାମେରା ନଥିଲେ ସେ କେବଳ ଜଣେ ଭଲ ହିରୋ ଭାବେ ଜଣାଶୁଣା ହୋଇଥାଆନ୍ତେ। 

ଏଥିସହିତ ରାମ ଗୋପାଳ ବର୍ମା ଅମିତାଭ ବଚ୍ଚନଙ୍କ ଫିଲ୍ମ ପସନ୍ଦ ସମ୍ପର୍କରେ ବି ଆଲୋଚନା କରି କହିଛନ୍ତି, ‘ବିଗ୍ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଧାରିତ ଫିଲ୍ମରେ କାମ କରନ୍ତି। ମୁଁ ସବୁବେଳେ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଫିଲ୍ମ ତିଆରି କରେ। ମୁଁ କୌଣସି ବାଣିଜ୍ୟିକ କିମ୍ବା ଫର୍ମୁଲା ଫିଲ୍ମ ପାଇଁ ନାୟକ ଏବଂ ନାୟିକାଙ୍କ ସହିତ କାମ କରିବାକୁ ଚେଷ୍ଟା କରେ ନାହିଁ। ମୁଁ ଅମିତାଭ ବଚ୍ଚନଙ୍କ ସହିତ କାମ କରିଛି କାରଣ ସେ ବାସ୍ତବ ପ୍ରସଙ୍ଗ ଉପରେ ମଧ୍ୟ କାମ କରିବାକୁ ପସନ୍ଦ କରନ୍ତି।"