ଆଦିପୁରୁଷର ଟ୍ରେଲର ଦେଖିବା ପରେ ଏହି ଚରିତ୍ରକୁ ଖୁବ ପସନ୍ଦ କରୁଥିବା କହିଲେ ଛୋଟ ପରଦାର ସୀତା

ମୁମ୍ବାଇ: ବହୁ ପ୍ରତୀକ୍ଷିତ ଫିଲ୍ମ 'ଆଦିପୁରୁଷ'ର ଟ୍ରେଲର ରିଲିଜ ହୋଇସାରିଛି। ଟିଜରଙ୍କୁ ଲୋକେ ଟ୍ରୋଲ କରିଥିବା ବେଳେ ଟ୍ରେଲରକୁ ଦର୍ଶକଙ୍କ ଭଲପାଇବା ମିଳିଛି। ଏବେ ଏହାର ଟ୍ରେଲର ରିଲିଜ୍ ପ‌ରେ ସୈଫ ଅଲି ଖାନଙ୍କଠାରୁ ଆରମ୍ଭ କରି ପ୍ରଭାସଙ୍କ ଲୁକକୁ ବହୁତ ପ୍ରଶଂସା କରାଯାଉଛି। ଏହି ଚଳଚ୍ଚିତ୍ରଟି ରାମାୟଣ ଉପରେ ଆଧାରିତ ବୋଲି କୁହାଯାଉଛି। ତେବେ ଟିଭିରେ ପ୍ରସାରିତ ହୋଇ ଲୋକପ୍ରିୟତା ଅର୍ଜନ କରିଥିବା 'ରାମାୟଣ'ରେ ସୀତା ଭୂମିକାରେ ଅଭିନୟ କରିଥିବା ଦୀପିକା ଚିଖଲିଆ ଏବେ 'ଆଦିପୁରୁଷ'ର ଟ୍ରେଲରକୁ ନେଇ ନିଜର ପ୍ରତିକ୍ରିୟା ରଖିଛନ୍ତି। ଅନ୍ୟମାନଙ୍କ ଭଳି ସେ ମଧ୍ୟ ଟ୍ରେଲରକୁ ପସନ୍ଦ କରିଥିବା କହିଛନ୍ତି। ଟ୍ରେଲରକୁ ପସନ୍ଦ କରିବା ସହ କେଉଁ ଚରିତ୍ର ତାଙ୍କୁ ଅଧିକ ଭଲ ଲାଗିଲା, ତାହା ଜଣାଇଛନ୍ତି ଦୀପିକା।

'ଆଦିପୁରୁଷ'ର ଟ୍ରେଲରକୁ ନେଇ ଦୀପିକା କହିଛନ୍ତି, ' 'ଆଦିପୁରୁଷ'ର ଟ୍ରେଲର ବହୁତ ଭଲ ଲାଗିଲା। ଟ୍ରେଲରଟି ପୂରା ଠିକ୍ ଲାଗୁଛି। ଟିଜର ଅପେକ୍ଷା ଟ୍ରେଲର ମୋତେ ଭଲ ଲାଗିଛି। ନିଶ୍ଚୟ କିଛି ଅନୁଭବ କରିଥିବାରୁ ନିର୍ମାତା ଟ୍ରେଲରରେ ପରିମର୍ତ୍ତନ କରିଛନ୍ତି। ଯେତେବେଳେ ଏହି ଚଳଚ୍ଚିତ୍ରରେ ଦୀପିକାଙ୍କୁ ତାଙ୍କର ପ୍ରିୟ ଚରିତ୍ର ବିଷୟରେ ପଚରାଗଲା, ସେ କହିଥିଲେ ଯେ ସେ ପ୍ରଭାସଙ୍କୁ ଅଧିକ ପସନ୍ଦ କରିଛନ୍ତି। ଦୀପିକା କହିଥିଲେ, 'ମୁଁ ପ୍ରଭାସଙ୍କୁ ଅଧିକ ପସନ୍ଦ କଲି। ସେ ନିଶ ରଖିଛନ୍ତି। ତାଙ୍କର ଲୁକ୍ ବହୁତ ଭଲ ଲାଗୁଛି ଏବଂ ସେ ରାମଙ୍କ ଚରିତ୍ରକୁ ଜୀବନ୍ତ କରିପାରିଛନ୍ତି।