ମୁମ୍ବାଇ: ଜୋରସୋରରେ ଆଗେଇଚାଲିଛି ଫିଲ୍ମ ‘ବ୍ରହ୍ମାସ୍ତ୍ର’ ର ସୁଟିଂ | ଏହି ସମୟର ଏମିତି ଏକ ଫଟୋକୁ ଅମିତାଭ ନିଜ ଟ୍ୱିଟରରେ ସେୟାର କରିଛନ୍ତି ଯାହାକି ଏବେ ଭାଇରଲ ହେବାରେ ଲାଗିଛି | ଏହି ଫଟୋରେ ରଣବୀର ଅମିତାଭଙ୍କୁ ଏକ ଏୟାରପୋଡ ଉପହାର ଭାବେ ଦେଇଛନ୍ତି | ଅମିତାଭ ଏହାକୁ କିଭଳି ବ୍ୟବହାର କରିବେ ପଚାରିଥିଲେ | ଏହା ପରେ ରଣବୀର ତାଙ୍କୁ ଏହାର ବ୍ୟବହାର କରିବାର ବାଟ ମଧ୍ୟ କହିଥିଲେ | ଏହାକୁ ନେଇ ଅମିତାଭ ନିଜ ଟ୍ୱିଟରରେ ଲେଖିଛନ୍ତି ଯେ ବିନା ତାରରେ କିଭଳି ଶୁଣିହେବ ତାହା ରଣବୀର ମୋତେ ଶିଖାଇଦେଲେ |
Sambad is now on WhatsApp
Join and get latest news updates delivered to you via WhatsApp
T 3455 – .. he teaches and sets up for me the sound ear plugs .. they sound good .. good riddance of the wires and cables .. !! 👍 pic.twitter.com/bxwCTbg09p
— Amitabh Bachchan (@SrBachchan) February 29, 2020
ସୂଚନାଯୋଗ୍ୟ ‘ବ୍ରହ୍ମାସ୍ତ୍ର’ରେ ନାୟକ ଓ ନାୟିକା ଭୂମିକାରେ ରଣବୀର କପୁର ଓ ଆଲିଆ ଭଟ୍ଟଙ୍କୁ ଦେଖିବାକୁ ମିଳିବ। ଏହାଛଡ଼ା ମୌନୀ ରୟ, ଅମିତାଭ ବଚ୍ଚନ ଓ ନାଗାର୍ଜୁନ ପ୍ରମୁଖଙ୍କୁ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ। ଚର୍ଚ୍ଚା ହେଉଛି ଯେ ଅୟାନ୍ ମୁଖାର୍ଜୀଙ୍କ ନିର୍ଦ୍ଦେଶିତ ‘ବ୍ରହ୍ମାସ୍ତ୍ର’ରେ ରଣବୀର କପୁର ଜଣେ ଡ଼ିଜେ ଭୂମିକାରେ ନଜର ଆସିବେ।
ଶୁଣିବାକୁ ମିଳୁଛି ଯେ ରଣବୀରଙ୍କ ଚରିତ୍ରଟି ଏଭଳି ଜଣେ ଡ଼ିଜେର, ଯିଏ ନିଜ ପିତାଙ୍କ ଇଛା ବିରୁଦ୍ଧରେ ଯାଇ ଘର ଛାଡ଼ି ଚାଲିଯାଏ। ତା’ପରେ ସେ ନିଜର ସ୍ୱପ୍ନ ପୂରଣ କରିବାକୁ ଅଗ୍ରସର ହୁଏ। ଏଭଳି ସମୟରେ ତା’ ଭିତରେ ସୁପର ପାଓ୍ଵାର୍ ଆସିଥାଏ। ‘ବ୍ରହ୍ମାସ୍ତ୍ର’ର ପ୍ରତ୍ୟେକ ଚରିତ୍ରଙ୍କ ପାଖରେ କିଛି ନା କିଛି ସୁପର ପାଓ୍ଵାର ରହିଛି। କୁହାଯାଉଛି ଯେ ରଣବୀରଙ୍କ ପାଖରେ ଏମିତି ଶକ୍ତି ଅଛି, ଯାହା ଫଳରେ ସେ ନିଜ ହାତ ପାପୁଲିରେ ନିଆଁ ସୃଷ୍ଟି କରିପାରନ୍ତି। ଏହା ୨୦୨୦ ଡିସେମ୍ବର ୪ ତାରିଖରେ ପରଦାକୁ ଆସିବ ବୋଲି ଜଣାଯାଇଛି।