କେବଳ ନିଜ କଥା ଭାବନ୍ତି, ଦେଶର ଲୋକମାନଙ୍କ ପାଇଁ ସ୍ୱର ଉଠାନ୍ତି ନାହିଁ: କଙ୍ଗନାଙ୍କ ଏଭଳି ବୟାନ ପରେ ପ୍ରତିକ୍ରିୟା ରଖିଲେ ରଣବୀର
ମୁମ୍ବାଇ : କିଛି ଦିନ ତଳେ ବଲିଉଡ୍ ଅଭିନେତ୍ରୀ କଙ୍ଗନା ରାନାଓ୍ୱତ ଆଲିଆ ଭଟ୍ଟ ଏବଂ ଅଭିନେତା ରଣବୀର କପୁରଙ୍କୁ ଟାର୍ଗେଟ କରି ତାଙ୍କୁ ସମାଲୋଚନା କରିଥିଲେ । ଫିଲ୍ମ ଛଡ଼ା ଏମାନେ ଦେଶ କଥା ଭାବୁ ନାହାନ୍ତି ବୋଲି କଙ୍ଗନା ଆରୋପ ଲଗାଇଥିଲେ । ସୋସିଆଲ ମିଡିଆ ଏବଂ ବିଭିନ୍ନ ସାକ୍ଷାତକାରରେ କଙ୍ଗନା ଏହି ଦୁଇ ଷ୍ଟାରଙ୍କୁ ଟର୍ଗେଟ କରି ସ୍ୱାର୍ଥପର ବୋଲି କହିଥିଲେ । କାମ ପଡ଼ିଲେ ଦେଶ କଥା ଏମାନଙ୍କର ମନେ ପଡ଼େ ବୋଲି କହିଥିଲେ କଙ୍ଗନା । ଏହା ସହ ନିଜକୁ ସବୁ ସୁବିଧା ମିଳୁଥିବାରୁ ଏମାନେ ଦେଶର ଜନତାଙ୍କ ବିଷୟରେ ଭାବୁ ନଥିବା କଥା କଙ୍ଗନା କହିଥିଲେ । ତାଙ୍କ ବୟାନକୁ ନେଇ ଚର୍ଚ୍ଚା ଆରମ୍ଭ ହୋଇଥିଲା । ଏବେ କଙ୍ଗନାଙ୍କ ବୟାନ ଉପରେ ନିଜର ପ୍ରତିକ୍ରିୟା ରଖିଛନ୍ତି ରଣବୀର ।
Sambad is now on WhatsApp
Join and get latest news updates delivered to you via WhatsApp
ଏକ ଇଭେଣ୍ଟରେ କଙ୍ଗନାଙ୍କ ବିବାଦୀୟ ବୟାନକୁ ନେଇ ପ୍ରଶ୍ନ କରାଯିବା ପରେ ରଣବୀର କହିଥିଲେ, ମୋତେ ଯାହା ବି ପ୍ରଶ୍ନ କରାଯାଏ, ମୁଁ ତାହାର ଉତ୍ତର ନିଶ୍ଚୟ ଦିଏ । କିନ୍ତୁ ମୋର ଏ ବିଷୟରେ କୌଣସି ଉତ୍ତର ଦେବାରେ ନାହିଁ । ଲୋକ ଯାହା କହିବା କଥା କୁହନ୍ତୁ । ମୁଁ ଜାଣିଛି ମୁଁ କ’ଣ ଏବଂ ମୁଁ କ’ଣ କରୁଛି ବୋଲି କହିଥିଲେ ରଣବୀର ।