ମୁମ୍ବାଇ: ନିଜର ପୋଷାକ ପରିଧାନକୁ ନେଇ ବିଗ୍ବସ୍ ଫେମ୍ ମଡେଲ୍ ଉର୍ଫି ଜାଭେଦ ବେଶ୍ ଚର୍ଚ୍ଚାରେ ରହିଥାନ୍ତି । ନିକଟରେ ବଲିଉଡ୍ ଅଭିନେତା ରଣବୀର କପୁର କରୀନା କପୁରଙ୍କ ରେଡ଼ିଓ ଶୋ’ରେ ଯୋଗ ଦେଇଥିଲେ । ଏହି ଶୋ’ରେ ରଣବୀର କହିଥିଲେ ଉର୍ଫିଙ୍କ ପୋଷାକକୁ ସେ ପସନ୍ଦ କରନ୍ତି ନାହିଁ । କିନ୍ତୁ ଯଦି ଜଣଙ୍କୁ ତାହା ଭଲ ଲାଗୁଛି ତେବେ ସେଥିରେ କାହାର ଅସୁବିଧା ହେବା ଅନୁଚିତ।
Sambad is now on WhatsApp
Join and get latest news updates delivered to you via WhatsApp
ବଲିଉଡ୍ ଅଭିନେତା ରଣବୀର କରୀନାଙ୍କ ରେଡ଼ିଓ ଶୋ’ରେ ପହଞ୍ଚି ଏକ ଖେଳ ଖେଳିଥିଲେ । ଯେଉଁଠାରେ ରଣବୀରଙ୍କୁ ଅଭିନେତାମାନଙ୍କୁ ନିଜ ପୋଷାକ ଦ୍ୱାରା ଚିହ୍ନିବାକୁ ପଡ଼ୁଥିଲା । ପରେ ଅଭିନେତାଙ୍କ ଡ୍ରେସିଂ ଟେଷ୍ଟକୁ ଭଲ କିମ୍ବା ଖରାପ କହିବାକୁ ପଡ଼ୁଥିଲା । କରୀନା ରଣବୀରଙ୍କୁ ଏକ ଫଟୋ ଦେଖାଇଲେ, ତାହା ଉର୍ଫି ଜାଭେଦଙ୍କ ଫଟୋ ବୋଲି ସେ ଚିହ୍ନିପାରିଲେ । ରଣବୀର ସେହି ଫଟୋକୁ ଦେଖି କହିଥିଲେ ଯେ, ଏହି ପ୍ରକାରର ପୋଷାକ ପରିଧାନକୁ ସେ ପସନ୍ଦ କରନ୍ତି ନାହିଁ । ଯଦି କେହି ନିଜ ପୋଷାକ ପରିଧାନକୁ ନେଇ ଆରାମଦାୟକ ଅଛି, ତେବେ ଏଥିରେ କୌଣସି ଅସୁବିଧା ନାହିଁ । ଏହି ସାକ୍ଷାତକାରରେ ରଣବୀର ପ୍ରିୟଙ୍କା ଚୋପ୍ରାଙ୍କ ଡ୍ରେସିଂ ଟେଷ୍ଟ ବା ପରିଧାନ ରୁଚିକୁ ଶ୍ରେଷ୍ଠ ବୋଲି କହିଛନ୍ତି ।
ମଡେଲ୍ ଉର୍ଫି ଜାଭେଦଙ୍କୁ ଅନେକ ଟ୍ରୋଲର ସାମ୍ନା କରିବାକୁ ପଡ଼ିଥିଲେ ବି ତାଙ୍କ ପୋଷାକ ପରିଧାନକୁ ପ୍ରଶଂସକମାନେ ପସନ୍ଦ କରନ୍ତି । ଆଜିକାଲି ରଣବୀରଙ୍କୁ ତାଙ୍କ ନୂଆ ଚଳଚ୍ଚିତ୍ର ‘ତୁ ଝୁଟି ମେ ମକ୍କାର’ରେ ଦେଖିବାକୁ ମିଳୁଛି । ଏଥିରେ ତାଙ୍କର ନାୟିକା ହେଉଛନ୍ତି ଶ୍ରଦ୍ଧା କପୁର।