ହିମେଶଙ୍କ ପରେ ଉଦିତ୍ ନାରାୟଣଙ୍କ ସହ ଗୀତ ଗାଇବାର ସୁଯୋଗ ପାଇଲେ ରାନୁ ମଣ୍ଡଳ, ଦେଖନ୍ତୁ ଭିଡିଓ
ମୁମ୍ବାଇ : ପଶ୍ଚିମବଙ୍ଗର ରାଣାଘାଟରେ ଥିବା ରେଳ ଷ୍ଟେସନରେ ଗୀତ ଗାଉଥିଲେ ରାନୁ ମଣ୍ଡଳ । ସଫ୍ଟସୟାର ଇଞ୍ଜିନିୟର ଅତିନ୍ଦ୍ର ଚକ୍ରବର୍ତ୍ତୀ ତାଙ୍କର ଭିଡିଓ ବନାଇ ସୋସିଆଲ ମିଡିଆରେ ଛାଡ଼ିବା ପରେ ରାତାରାତି ରାନୁ ବନିଥିଲେ ଇଣ୍ଟରନେଟ୍ ସେନ୍ସେସନ୍ । ରାନୁଙ୍କ କଣ୍ଠସ୍ୱରରେ ପ୍ରଭାବିତ ହୋଇ ବଲିଉଡ୍ର ଲୋକପ୍ରି୍ୟ ସଂଗୀତ ନିର୍ଦ୍ଦେଶକ ହିମେଶ ରେସ୍ମିଆ ତାଙ୍କୁ ନିଜ ଫିଲ୍ମରେ ଗୀତ ଗାଇବାର ସୁଯୋଗ ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ହିମେଶଙ୍କ ଫିଲ୍ମରେ ‘ତେରି ମେରି କାହାନୀ’ ଗୀତଟି ଗାଇବା ପରେ ତାଙ୍କ ପାଖକୁ ବିଭିନ୍ନ ମ୍ୟୁଜିକ୍ ଷ୍ଟୁଡିଓରୁ ଅଫର ଆସିବାରେ ଲାଗିଥିଲା । ଏବେ ହିମେଶଙ୍କ ପରେ ରାନୁ ବଲିଉଡ୍ର ପ୍ରଖାତ କଣ୍ଠଶିଳ୍ପୀ ଉଦିତ୍ ନାରାୟଣଙ୍କ ସହ ଗାଇବାର ସୁଯୋଗ ପାଇଥିବା ଜଣାପଡ଼ିଛି । ନୂଆ ଗୀତ ‘କେହ ରହି ହୈ ନଜ୍ଦିକିଆଁ’ ଖୁବ୍ ଶୀଘ୍ର ବଜାରକୁ ଆସିବାକୁ ଯାଉଥିବା ବେଳେ ଏହି ଗୀତଟିକୁ ସାଥୀରେ ଗାଇଛନ୍ତି ରାନୁ ମଣ୍ଡଳ ଓ ଉଦିତ୍ ନାରାୟଣ । ଏହି ଦୁହିଁଙ୍କ ବ୍ୟତୀତ ହିମେଶ ରେସ୍ମିଆ ଓ କଣ୍ଠଶିଳ୍ପୀ ପାୟଲ ଦେବ ମଧ୍ୟ କଣ୍ଠଦାନ କରିଥିବା ଭିଡିଓରେ ଦେଖିବାକୁ ମିଳିଛି । ଗୀତଟି ହିମେଶଙ୍କ ଫିଲ୍ମ ‘ହାପି ହାର୍ଡି ଅର୍ ହୀର’ ଫିଲ୍ମର ବୋଲି ଜଣାପଡ଼ିଛି । ଏହି ଗୀତଟିର ରେକର୍ଡିଂ ସମୟର ଭିଡିଓ ହିମେଶ ନିଜ ଇନ୍ଷ୍ଟାରେ ଛାଡ଼ିବା ପରେ ଭିଡିଓଟି ଭାଇରାଲ ହେବାରେ ଲାଗିଛି ।