ମୁମ୍ବାଇ: ରଣବୀର ସିଂହ ଓ ଦୀପିକା ପାଦୁକୋନଙ୍କ ପ୍ରଶଂସକଙ୍କ ପାଇଁ ଖୁସି ଖବର। ଏହି ଦୁଇ ଚର୍ଚ୍ଚିତ ଯୋଡ଼ିଙ୍କର ବିବାହ ତାରିଖ ପାଖେଇ ଆସିଲାଣି। ରିପୋର୍ଟରୁ ଜାଣିବାକୁ ମିଳିଛି ଯେ ଏହି ଦୁଇ ଲର୍ଭବାର୍ଡ ତାଙ୍କର ପ୍ରିୟଜନଙ୍କୁ ନିଜର ବିବାହ ତାରିଖକୁ ସେଭ୍ କରିଦେବା ପାଇଁ ମେସେଜ୍ କରିବା ଆରମ୍ଭ କରି ଦେଲେଣି। ଜାଣିବାକୁ ମିଳିଛି ଯେ ଏ ଦୁହିଁଙ୍କ ବିବାହ ନଭେମ୍ବର ୧୨ରୁ ୧୬ ମଧ୍ୟରେ ହେବାକୁ ସ୍ଥିର ହୋଇଛି।
Sambad is now on WhatsApp
Join and get latest news updates delivered to you via WhatsApp
ବିରାଟ ଓ ଅନୁଷ୍କାଙ୍କ ପରି ଏମାନେ ବି ଇଟାଲୀରେ ବିବାହ କରିବାକୁ ଯାଉଛନ୍ତି ବୋଲି ସୂଚନା ରହିଛି। ବିରୁଷ୍କାଙ୍କ ପରି ଏମାନେ ବି ଇଟାଲୀରେ ବିବାହ କରି ପରବର୍ତ୍ତୀ ମୁହୂର୍ତ୍ତରେ ମୁମ୍ବାଇରେ ଭୋଜି ଦେବେ। ତାଙ୍କ ରିସେପସନ୍ ପାର୍ଟିକୁ ହୋଷ୍ଟ କରିବେ ନିଜେ ରଣବୀର ଓ ଦୀପିକା।
ନିଜର ଗୋପନୀୟତା ପାଇଁ ସେ ବିଦେଶରେ ବିବାହ କରିବାକୁ ସ୍ଥିର କରିଛନ୍ତି। ତେବେ, ଇଟାଲୀରେ ସେମାନଙ୍କର କେତେକ ପ୍ରିୟ ବଲିଉଡ୍ ସହ କଳାକାର ଯୋଗ ଦେଇପାରନ୍ତି ବୋଳ ଆଶା କରାଯାଉଛି। ଦୀପିକାଙ୍କ ପ୍ରିୟ ଅଭିନେତା ଶାହାରୁଖ ଖାନ ଏବଂ ରଣବୀରଙ୍କର ଅ୍ରତିପ୍ରିୟ ଅର୍ଜୁନ କପୁର ଇଟାଲୀ ଯାଇପାରନ୍ତି ବୋଲି ଆଶା ରହିଛି।
ଉଲ୍ଳେଖଯୋଗ୍ୟ, ରଣବୀର ଓ ଦୀପିକା ୨୦୧୩ ମସିହାରେ ‘ରାମଲୀଳା’ ସୁଟିଂ ସମୟେରେ ପରସ୍ପରଙ୍କ ନିକଟତର ହୋଇଥିଲେ। ପରବର୍ତ୍ତୀ ମୁହୂର୍ତ୍ତରେ ‘ବାଜିରାଓ ମସ୍ତାନୀ’ ଓ ‘ପଦ୍ମାବତ୍’ ସେ ଦୁହିଁଙ୍କୁ ଆହୁରି ନିକଟତର କରାଇବାରେ ସହାୟ ହୋଇଥିଲା।