ଭାବି ପତ୍ନୀ ଦ୍ରିଶାଙ୍କ ସହ ନାଚୁଥିଲେ କରଣ ଦେଓଲ; କାଖକୁ ଟେକି ନେଇ ନାଚିଲେ ରଣବୀର ସିଂହ

ମୁମ୍ବାଇ: ଜୁନ୍ ୧୮ରେ (ଆସନ୍ତାକାଲି) ବିବାହ କରିବେ ବଲିଉଡର ଲୋକପ୍ରିୟ ଅଭିନେତା ସନ୍ନି ଦେଓଲଙ୍କ ପୁଅ କରଣ ଦେଓଲ। ଅଭିନେତା ସନ୍ନି ଦେଓଲଙ୍କ ପୁଅ କରଣ ଦେଓଲ ଫିଲ୍ମ ‘ପଲ ପଲ ଦିଲ କେ ପାସ’ ସହିତ ବଲିଉଡରେ ଡେବ୍ୟୁ କରିଥିଲେ। ଯଦିଓ ଫିଲ୍ମ ବକ୍ସ ଅଫିସରେ ଭଲ ପ୍ରଦର୍ଶନ କରିନଥିଲା, ହେଲେ ଫିଲ୍ମର ଗୀତଗୁଡିକ ହିଟ୍ ହୋଇଥିବା ଦେଖାଯାଇଥିଲା। ଫିଲ୍ମ ଫ୍ଲପ ହେବା ପରେ ମଧ୍ୟ ଅଭିନେତା ହାର ମାନିନଥିଲେ ଏବଂ ବାପା ସନ୍ନିଙ୍କ ଫିଲ୍ମ ‘ଭେଲେ’ରେ ଅଭିନୟ କରିଥିଲେ। କିନ୍ତୁ ଏହି ଫିଲ୍ମ ମଧ୍ୟ ହିଟ୍ ହୋଇପାରିନଥିଲା। ଅଭିନୟରେ ନିଜର ଯାଦୁ ଦେଖାଇପାରିନଥିବା କରଣ ଏବେ ପୁଣିଥରେ ଲାଇମଲାଇଟକୁ ଆସିଛନ୍ତି। କୌଣସି ଫିଲ୍ମ ପାଇଁ ନୁହେଁ ବରଂ ଅଭିନେତା ନିଜ ବିବାହକୁ ନେଇ ଚର୍ଚ୍ଚାକୁ ଆସିଛନ୍ତି।

ଏ‌ବେ ସେ ଦୁହିଁଙ୍କ ବିବାହ ପୂର୍ବର ରୀତି ସବୁ ଆରମ୍ଭ ହୋଇ ଯାଇଥିବା ବେଳେ ଅଭିନେତା ରଣବୀର ସିଂହ କରଣ ଦେଓଲଙ୍କୁ କାଖରେ ଧରି ନାଚୁଥିବାର ଦେଖିବାକୁ ମିଳିଛି। ପୂରା ବଲିଉଡ୍‌ କରଣଙ୍କ ବିବାହରେ ଖୁସି ମନାଉଛି। କରଣଙ୍କ ସଂଗୀତରେ ଦେଖିବାକୁ ମିଳିଥିଲା ଅଭିନେତା ରଣବୀର ସିଂହଙ୍କୁ। ସେ ଏତେ ଖୁସି ହୋଇ ଯାଇଥିଲେ ଯେ କରଣଙ୍କୁ କାଖରେ ଧରି ନାଚିବା ଆରମ୍ଭ କରିଥିଲେ।

ସୋସିଆଲ୍‌ ମିଡିଆରେ ରଣବୀରଙ୍କର ସେହି ଭିଡିଓ ଏବେ ଭାଇରାଲ୍‌ ହେବାରେ ଲାଗିଛି। କରଣ ତାଙ୍କ ଭାବି ପତ୍ନୀ ଦ୍ରିଶାଙ୍କ ସହ ନାଚୁଥିବା ବେଳେ କାଖକୁ ଟେକି ନେଇଥିଲେ ରଣବୀର ସିଂହ। କରଣ ବି ରଣବୀରଙ୍କ କାଖକୁ ଯାଇ ଭାଙ୍ଗଡ଼ା କରିବାରେ ଲାଗିଥିଲେ।