ନାଚୁ ନାଚୁ ଦୀପିକାଙ୍କ ଗାଲରେ ସର୍ବସାଧାରଣ ସ୍ଥାନରେ ଚୁମ୍ବନ ଦେଲେ ରଣବୀର ସିଂହ

ମୁମ୍ବାଇ: ଜୁନ୍ ୧୮ରେ (ଗତକାଲି) ବିବାହ ବନ୍ଧନରେ ବାନ୍ଧି ହୋଇଛନ୍ତି ବଲିଉଡର ଲୋକପ୍ରିୟ ଅଭିନେତା ସନ୍ନି ଦେଓଲଙ୍କ ପୁଅ କରଣ ଦେଓଲ। ତେବେ କରଣ ଦେଓଲଙ୍କ ବିବାହରେ ବଲିଉଡ୍‌ର ଅନେକ ସେଲିବ୍ରିଟିଙ୍କୁ ଦେଖିବାକୁ ମିଳିଥିଲା। କରଣ ଦେଓଲ ଓ ତାଙ୍କ ପତ୍ନୀ ଦ୍ରିଶା ଆଚାର୍ଯ୍ୟଙ୍କ ପାର୍ଟିରେ ସମସ୍ତ ଆକର୍ଷଣ ସାଉଁଟିଥିଲେ ଅଭିନେତା ରଣବୀର ସିଂହ ଓ ତାଙ୍କ ଅଭିନେତ୍ରୀ ପତ୍ନୀ ଦୀପିକା ପାଦୁକୋନ୍‌।

ରଣବୀର ସିଂହ ନାଚୁଥିବା ବେଳର ଏକ ଭିଡିଓ ଏବେ ସୋସିଆଲ୍‌ ମିଡିଆରେ ଭାଇରାଲ୍‌‌ ହୋଇଛି। ଦୀପିକା ଏକ କଳା ରଂଗର ସୁଟ୍‌ ପିନ୍ଧିଥିବା ବେଳେ ଧଳା ରଂଗର ପୋଷାକ ପିନ୍ଧି ଆକର୍ଷଣୀୟ ଲାଗୁଥିଲେ ରଣବୀର। ସେ ଦୁହିଁଙ୍କୁ ଏକା ସାଥୀରେ ଦେଖି ପ୍ରଶଂସକ ଖୁବ୍ ଖୁସି ହୋଇ ଯାଇଛନ୍ତି। ତେବେ ଉଭୟ ଦୀପିକା ଓ ରଣବୀର ନାଚୁଥିବା ବେଳେ ଦୀପିକାଙ୍କ ଗାଲରେ ସେ ଏକ ଚୁମ୍ବନ ଦେଇଥିଲେ।

ପତ୍ନୀଙ୍କ ଉପରେ ପ୍ରେମ ଓଜାଡ଼ି ଦେଉଥିବା ଦେଖି ରଣବୀରଙ୍କୁ ପ୍ରଶଂସକ ଖୁବ୍‌ ପ୍ରଶଂସା କରିଛନ୍ତି। ଏହି ପାର୍ଟିରେ ରଣବୀରଙ୍କ ଭଉଣୀ ଓ ବାପାମାଆ ବି ସାମିଲ୍‌ ହୋଇଥିଲେ। ରଣବୀର ଓ ଦୀପିକାଙ୍କର ପାର୍ଟିର ଅ‌ନେକ ଫଟୋ ଏବେ ଭାଇରାଲ୍‌ ହୋଇଛି। ରଣବୀର କରଣଙ୍କ ସଂଗୀତରେ ବି ସାମିଲ୍‌ ହୋଇଥିଲେ। ସେଠାରେ ସେ ଖୁସିରେ କରଣଙ୍କୁ କାଖେଇ ପକାଇଥିଲେ। ଦୀପିକା କେବଳ ରିସେପ୍ସନ୍‌ରେ ଯୋଗ ଦେଇଥିଲେ।

ଅଭିନେତା ସନ୍ନି ଦେଓଲଙ୍କ ପୁଅ କରଣ ଦେଓଲ ଫିଲ୍ମ ‘ପଲ୍ ପଲ୍ ଦିଲ୍ କେ ପାସ’ ସହିତ ବଲିଉଡରେ ଡେବ୍ୟୁ କରିଥିଲେ। ଯଦିଓ ଫିଲ୍ମ ବକ୍ସ ଅଫିସରେ ଭଲ ପ୍ରଦର୍ଶନ କରିନଥିଲା, ହେଲେ ଫିଲ୍ମର ଗୀତଗୁଡିକ ହିଟ୍ ହୋଇଥିବା ଦେଖାଯାଇଥିଲା। ଫିଲ୍ମ ଫ୍ଲପ ହେବା ପରେ ମଧ୍ୟ ଅଭିନେତା ହାର ମାନିନଥିଲେ ଏବଂ ବାପା ସନ୍ନିଙ୍କ ଫିଲ୍ମ ‘ଭେଲେ’ରେ ଅଭିନୟ କରିଥିଲେ। କିନ୍ତୁ ଏହି ଫିଲ୍ମ ମଧ୍ୟ ହିଟ୍ ହୋଇପାରିନଥିଲା।