ପୋଜ୍ ଦେବା ବେଳେ କାର୍ ଆଗକୁ ଚାଲିଆସୁଥିବାରୁ ହାତ ଦେଖାଇ ଅଟକାଇଲେ ରଣବୀର

ମୁମ୍ବାଇ: ବଲିଉଡ ଅଭିନେତା ରଣବୀର ସିଂ ବର୍ତ୍ତମାନ ତାଙ୍କର ଆଗାମୀ ଚଳଚ୍ଚିତ୍ର ରକି ଔର ରାନୀ କି ପ୍ରେମ କାହାନୀର ପ୍ରଚାରରେ ବ୍ୟସ୍ତ ଅଛନ୍ତି। ମଙ୍ଗଳବାର ଫିଲ୍ମର ସ୍କ୍ରିନିଂ କରାଯାଇଥିବା‌ ବେଳେ ବୁଧବାର ଅଭିନେତା ମୁମ୍ବାଇ ବିମାନବନ୍ଦରରେ ନଜର ଆସିଥିଲେ। ଏହି ସମୟରେ ସେ ଧଳା ରଙ୍ଗର ପୋଷାକ ପିନ୍ଧିଥିବା ସହ କଳା ଚଷମା ପିନ୍ଧିଥିବା ଦେଖାଯାଇଥିଲା। ତେବେ ଫଟୋଗ୍ରାଫରଙ୍କୁ ପୋଜ୍ ଦେବା ବେଳେ ରଣବୀର କିଛି ଏଭଳି କରିଥିଲେ, ଯାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି।

ଭାଇରାଲ ହେଉଥିବା ଭିଡିଓରେ ଦେଖାଯାଇଛି ଯେ, ରଣବୀର ବିମାନବନ୍ଦର ଭିତରକୁ ଯିବା ପୂର୍ବରୁ ଫଟୋଗ୍ରାଫରଙ୍କ ପାଇଁ ଅଟକୁଛନ୍ତି। ଏହି ସମୟରେ ଜୋରରେ ବର୍ଷା ହେଉଥିବା ଦେଖାଯାଇଛି। ହେଲେ ବର୍ଷା ହେଉଥିଲେ ବି ରଣବୀର ଓଦା ହୋଇ ଫଟୋଗ୍ରାଫରଙ୍କୁ ପୋଜ୍ ଦେଉଛନ୍ତି। ଏତିକି ବେଳେ ତାଙ୍କ ଆଡକୁ ଏକ କାର୍ ମ‌ାଡ଼ି ଆସୁଥିବାରୁ ରଣବୀର ହାତ ଦେଖାଇ ତାଙ୍କୁ ଅଟକିବାକୁ କହୁଛନ୍ତି। ଏହା ପରେ ସେ ବର୍ଷାରେ ଓଦା ହୋଇ ଫଟୋଗ୍ରାଫରଙ୍କୁ ପୋଜ୍ ଦେବା ପରେ ଭିତରକୁ ଯାଉଛନ୍ତି।

View this post on Instagram

A post shared by Voompla (@voompla)

ତେବେ ରଣବୀର ସିଂଙ୍କ ବ୍ୟତୀତ ରକି ଔର ରାନୀ କି ପ୍ରେମ କାହାନୀରେ ଅଭିନେତ୍ରୀ ଆଲିଆ ଭଟ୍ଟ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଏହି ଚଳଚ୍ଚିତ୍ରରେ ଧର୍ମେନ୍ଦ୍ର, ଶବାନା ଆଜମୀ ଏବଂ ଜୟା ବଚ୍ଚନଙ୍କ ଭଳି ବରିଷ୍ଠ କଳାକାର ପ୍ରମୁଖ ଭୂମିକାରେ ଅଭିନୟ କରିଛନ୍ତି।