ମୁମ୍ବାଇ: ବଲିଉଡର ଜଣାଶୁଣା ଅଭିନେତା ରଣବୀର ସିଂଙ୍କ ଅଜା ୯୩ ବର୍ଷ ବୟସରେ ଭୋଟ୍ ଦେଇ ସମସ୍ତଙ୍କୁ ପ୍ରେରଣା ଯୋଗାଇଛନ୍ତି।

Advertisment

ରଣବୀର ସିଂ ସୋସିଆଲ ମିଡିଆରେ ତାଙ୍କ ଅଜାଙ୍କ ଫଟୋ ସେୟାର କରିଛନ୍ତି, ଯେଉଁଥିରେ ରଣବୀରଙ୍କ ଅଜା ଭୋଟ୍ ଦେବା ପରେ ଜଣେ ପୁଲିସ କର୍ମଚାରୀଙ୍କ ସହ ଛିଡ଼ା ‌ହୋଇଥିବା ଦେଖିବାକୁ ମିଳୁଛି ।

ରଣବୀର ଏହି ଫ‌ଟୋର କ୍ୟାପସନରେ ଲେଖିଛନ୍ତି, "୯୩ବର୍ଷ ବୟସ । ଏଥିସହିତ ବାହାରେ ୯୩ ଡିଗ୍ରି ଫାରେନହାଇଟ। କିନ୍ତୁ ସେ ଭୋଟ୍ ଦେଇଛନ୍ତି। ସେ ଜଣେ ଭୋଟର। ମୋର ରକଷ୍ଟାର ଅଜା, # ଏଭର୍ ଭୋଟକାଉଣ୍ଟସ୍।"

ରଣଭୀର ସିଂଙ୍କ ଏହି ପୋଷ୍ଟ ଲୋକଙ୍କୁ ଖୁବ ପସନ୍ଦ ଆସିଛି। ଭୋଟ ଦେବା ପରେ ରଣବୀର ସେୟାର କରିଥିବା ତାଙ୍କ ଅଜାଙ୍କ ଫଟୋ ଦେଖି ସୋସିଆଲ ମିଡିଆ ବ୍ୟବହାରକାରୀ ପ୍ରତିକ୍ରିୟା ଦେଇ କହିଛନ୍ତି,  ଅଜାଙ୍କ ଏହି ବୟସରେ ଭୋଟ୍ ଦେବା ସମାଜ ପାଇଁ ଏକ ଗୁରୁତ୍ୱପୂର୍ଣ୍ଣ ବାର୍ତ୍ତା ଅଟେ । ବୟସ କିମ୍ବା ପରିସ୍ଥିତି ଯାହା ହେଉନା କାହିଁକି ଭୋଟ୍ ଦେବା ପ୍ରତ୍ୟେକ ନାଗରିକଙ୍କ କର୍ତ୍ତବ୍ୟ ଏବଂ ଅଧିକାର ଅଟେ ଏହାକୁ ଆମେ ବୁଝି ରଖିବା ଉଚିତ।

ରଣବୀରଙ୍କ ଅଜା ଲୋକମାନଙ୍କୁ ଭୋଟ୍ ଦେବା ପାଇଁ ପ୍ରେରଣା ଦେଇଛନ୍ତି। ଏହାର ପ୍ରଭାବ ଆଗାମୀ ଷଷ୍ଠ ଏବଂ ସପ୍ତମ ପର୍ଯ୍ୟାୟରେ ଦେଖିବାକୁ ମିଳିବ ବୋଲି ଆଶା ରଖାଯାଇଛି।