ନିର୍ଦ୍ଦେଶକ ଓ ନିର୍ମାତାଙ୍କ ପିଛା କରୁଥିଲେ ଅଭିନେତା ରଣବୀର ସିଂ !
ରଣବୀର ସିଂ ଯେ ଜଣେ ଭଲ ଅଭିନେତା ଏଥିରେ ତିଳେମାତ୍ର ସନ୍ଦେହ ନାହିଁ । ନିକଟରେ ମୁକ୍ତିଲାଭ କରିଥିବା ସିନେମା ‘ପଦ୍ମାବତ୍’ରେ ଖିଲଜୀ ଭୂମିକା ନିଭାଇ ସେ ବେଶ୍ ଚର୍ଚ୍ଚାରେ ଅଛନ୍ତି। ସେ ଖୁବ୍ ସଂଘର୍ଷ କରିଛନ୍ତି ଅଭିନେତା ହେବାଲାଗି । । ନିକଟରେ ଏକ ସାକ୍ଷାତକାରରେ ରଣବୀର ତାଙ୍କ ସଂଘର୍ଷ ବିଷୟରେ କହିଛନ୍ତି । ସେ କହିଛନ୍ତି କେଉଁଭଳି ଲୋକ ପୋର୍ଟଫୋଲିଓ ବନାନ୍ତି ଏବଂ ନିର୍ଦ୍ଦେଶକ ଓ ପ୍ରଯୋଜକମାନେ ତାକୁ ଡଷ୍ଟବିନରେ ଫିଙ୍ଗି ଦିଅନ୍ତି । ସେ ଏହା ମଧ୍ୟ କହିଛନ୍ତି ଯେ କାମ ପାଇବା ପାଇଁ ଏବଂ ଫିଲ୍ମ ନିର୍ମାତାଙ୍କ ସହିତ ସଂପର୍କ କରିବା ପାଇଁ କେଉଁଭଳି ଭାବରେ ସେ ଲୋକଙ୍କ ମୋବାଇଲରୁ ନମ୍ବର ଚୋରି କରୁଥିଲେ । ଏଥିପାଇଁ ସେ ରେସ୍ତୋରାଁ ଏବଂ କ୍ଲବ୍ରେ ନିର୍ଦ୍ଦେଶକ ଓ ଫିଲ୍ମ ନିର୍ମାତାଙ୍କ ପିଛା କରୁଥିଲେ ।
Sambad is now on WhatsApp
Join and get latest news updates delivered to you via WhatsApp
ରଣବୀର ଏହା ମଧ୍ୟ କହିଛନ୍ତି ଯେ ସେ ତାଙ୍କର ପୋର୍ଟଫୋଲିଓ ଧରି ଏଣେତେଣେ ଘୁରି ବୁଲୁଥିଲେ,ଏଥିପାଇଁଯେ ଲୋକ ତାଙ୍କୁ ଜାଣନ୍ତୁ ଯେ ସେ ଜଣେ ନୂଆ ଅଭିନେତା ଯିଏ କି କାମ ଖୋଜୁଛନ୍ତି । ତେବେ ୮ରୁ ୧୦ ମାସ ପରେ ତାଙ୍କୁ ସାନୁଙ୍କ ତରଫରୁ କଲ ଆସିଥିଲା ଏବଂ ୟଶରାଜ ପ୍ରଡକ୍ସନ ଏକ ନୂଆ ଚେହେରା ଖୋଜୁଥିବା କଥା ସେ କହିଥିଲେ । ତେବେ ଏଥିପାଇଁ ସେ ଚିନ୍ତିତ ହୋଇ ଯାଇଥିଲେ । କାରଣ ସେ ଜାଣଥିଲେ ଯେ ବଡ଼ ପ୍ରଡକ୍ସନ ହାଉସମାନଙ୍କ ମଧ୍ୟରୁ ୟଶରାଜ ଗୋଟିଏ ଏବଂ ସେ କେବଳ ତାରକାମାନଙ୍କ ସହିତ କାମ କରନ୍ତି ।
ଅଡିସନରେ ଶହେ ପ୍ରତିଶତ ଦେବା ପରେ ସେ ସିଲେକ୍ସନ ହୋଇଥିଲେ ଓ ‘ବ୍ୟାଣ୍ଡ ବାଜା ବାରାତ’ରେ ତାଙ୍କୁ ସୁଯୋଗ ମିଳିଥିଲା । ତେବେ ଏତେ ସଂଘର୍ଷ ପରେ ସେ ସୁଯୋଗ ପାଇଲେ ଏବଂ ଜଣେ ଦକ୍ଷ ଅଭିନେତା ଭାବରେ ନିଜକୁ ପ୍ରମାଣିତ କରିପାରିଲେ । ରଣବୀର ଫିଲ୍ମ ପଦ୍ମାବତୀରେ ଦମଦାର ଅଭିନୟ କରିସାରିବା ପରେ ତାଙ୍କର ଆଗାମୀ ଫିଲ୍ମ ‘ଗଲି ବଏ’ରେ ବ୍ୟସ୍ତ ଅଛନ୍ତି । ଫିଲ୍ମରେ ତାଙ୍କ ସହିତ ଆଲିୟା ଭଟ୍ଟ ମୁଖ୍ୟ ଚରିତ୍ରରେ ନଜର ଆସିବେ ।