ମୁମ୍ବାଇ: ବଲିଉଡରେ ଅନେକ ତାରକା ଅଛନ୍ତି ଯାହାଙ୍କ ପ୍ରଶଂସକ ସଂଖ୍ୟା ବହୁତ ଅଧିକ । ଷ୍ଟାରମାନଙ୍କୁ ଫ୍ୟାନ୍ସ ଯେଉଁଠି ବି ଦେଖନ୍ତି ସେଠାରେ ସେମାନେ ଏକ ଅଟୋଗ୍ରାଫ୍ କିମ୍ବା ଏକ ଫଟୋଗ୍ରାଫ୍ ନେବାକୁ ଅନୁରୋଧ କରନ୍ତି। ଏହାର ସଦ୍ୟତମ ଉଦାହରଣ ନିକଟରେ ଦେଖିବାକୁ ମିଳିଛି । ସାଉଥ୍ ସିନେମାର ଶ୍ରୀବଲ୍ଲୀ ଅର୍ଥାତ୍ ଅଭିନେତ୍ରୀ ରଶ୍ମିକା ମନ୍ଦନା ତାଙ୍କର ଜଣେ ପ୍ରଶଂସକଙ୍କ ଛାତିରେ ଅଟୋଗ୍ରାଫ୍ ଦେଇ ଚର୍ଚ୍ଚାର ପରିସରକୁ ଆସିଛନ୍ତି । ବର୍ତ୍ତମାନ ସମୟରେ ରଶ୍ମିକା ମନ୍ଦନାଙ୍କର ପ୍ରଶଂସକ ସଂଖ୍ୟା ବି ବହୁତ ରହିଛି ।
Sambad is now on WhatsApp
Join and get latest news updates delivered to you via WhatsApp
ସାଉଥ ସିନେମାର ଦର୍ଶକଙ୍କ ବ୍ୟତୀତ ବଲିଉଡରେ ମଧ୍ୟ ତାଙ୍କ ବହୁ ପ୍ରଶଂସକ ରହିଛନ୍ତି । ସେଲିବ୍ରିଟି ଫଟୋଗ୍ରାଫର ଭାଇରାଲ ଭାୟାନୀ ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ରଶ୍ମିକା ମନ୍ଦନାଙ୍କ ଏହି ଭିଡିଓଟି ସେୟାର କରିଛନ୍ତି। ଯେଉଁଥିରେ ଅଭିନେତ୍ରୀ ତାଙ୍କର ଜଣେ ପ୍ରଶଂସକଙ୍କ ଛାତିରେ ଅଟୋଗ୍ରାଫ୍ ଦେଉଥିବାର ନଜର ଆସିଛନ୍ତି । ଭିଡିଓରେ ରଶ୍ମିକା ମନ୍ଦନା ହଳଦିଆ ରଙ୍ଗର ପୋଷାକ ପିନ୍ଧିଥିବା ଦେଖିବାକୁ ମିଳିଛି। ରଶ୍ମିକାଙ୍କ ପ୍ରଶଂସକ ତାଙ୍କୁ ଛାତିର ବାମ ପାର୍ଶ୍ୱରେ ଅଟୋଗ୍ରାଫ୍ ଦେବାକୁ ଅନୁରୋଧ କରୁଛନ୍ତି ।
View this post on Instagram
ଭିଡିଓରେ ରଶ୍ମିକା ମନ୍ଦନା ପ୍ରଶଂସକଙ୍କ ଇଚ୍ଛା ପୂରଣ କରି ଅଟୋଗ୍ରାଫ୍ ଦେଉଛନ୍ତି । ଅଭିନେତ୍ରୀଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓକୁ ରଶ୍ମିକା ମନ୍ଦନାଙ୍କ ପ୍ରଶଂସକମାନେ ବହୁତ ପସନ୍ଦ କରିଛନ୍ତି। ଜଣେ ପ୍ରଶଂସକ କମେଣ୍ଟରେ ଲେଖିଛନ୍ତି, ‘ବର୍ତ୍ତମାନ ଭାଇ ଜଣକ ସାରା ଜୀବନ ଗାଧୋଇବେ ନାହିଁ, ନଚେତ୍ ଅଟୋଗ୍ରାଫ୍ ଧୋଇ ହୋଇଯିବ।’ ଅନ୍ୟ ଜଣେ ଲେଖିଛନ୍ତି, ମୁଁ ମଧ୍ୟ ତାଙ୍କର ବଡ଼ ପ୍ରଶଂସକ ।