ନୂଆଦିଲ୍ଲୀ: ସୁପରଷ୍ଟାର ଅମିତାଭ ବଚ୍ଚନ ଏବଂ ରେଖାଙ୍କ ମଧ୍ୟରେ ପ୍ରେମ ଏବଂ ବିଚ୍ଛେଦର କାହାଣୀକୁ କିଏ ବା ନ ଜାଣିଛି। ସମସ୍ତେ ଏଦୁହିଁଙ୍କ ପ୍ରେମ କାହାଣୀ ବିଷୟରେ ଜାଣିଛନ୍ତି। କିନ୍ତୁ ଆପଣ ଜାଣିଛନ୍ତି କି ରେଖାଙ୍କ ଆଉ ଜ‌ଣେ ଜଣାଶୁଣା ଷ୍ଟାରଙ୍କ ସହ ଝଗଡ଼ା ହୋଇଯାଇଥିଲା। ଏହାପରେ ଦୁହିଁଙ୍କ ମଧ୍ୟରେ କଥାବାର୍ତ୍ତା ବନ୍ଦ ହୋଇଯାଇଥିଲା। ଏହି ଷ୍ଟାରଙ୍କ ନାମ ହେଉଛି ଶତୃଘ୍ନ ସିହ୍ନା।

Advertisment

ଶତୃଘ୍ନ ସିହ୍ନା ଓ ରେଖାଙ୍କ ମଧ୍ୟରେ ‘ଖୁନ ଭରି ମାଙ୍ଗ’ରେ ଝଗଡ଼ା ହୋଇଯାଇଥିଲା। ଏହାପରେ ଦୁହେଁ କଥାବାର୍ତ୍ତା ତ ଦୂରର କଥା ପରସ୍ପରକୁ ଚାହଁନ୍ତି ବି ନାହିଁ। ନିକଟରେ ଦୁହିଁଙ୍କୁ ନେଇ ଏକ ଖବର ଆସିଛି । ଏହି ଖବର ଟି ହେଉଛି ବର୍ଷବର୍ଷ ଧରି ଦୁହିଁଙ୍କ ମଧ୍ୟରେ ଥିବା ରାଗରୁଷା ମେଳାଇ ଯାଇଛି।

ନିକଟରେ ଶତୃଘ୍ନ ସିହ୍ନା ଏକ ବିବାହ ରିସେପସନ୍ ପାର୍ଟିରେ ଯୋଗ ଦେବାକୁ ଯାଇଥିଲେ। ସେଠାରେ ସେ ତାଙ୍କ ପତ୍ନୀ ପୂର୍ଣ୍ଣମଙ୍କ ସହ ବିବାହ ଉତ୍ସବରେ ପହଞ୍ଚି ଫଟୋ ଉଠାଉଥିଲେ। ଏହି ସମୟରେ ରେଖା ହଠାତ ପହଞ୍ଚି ଶତୃଘ୍ନଙ୍କ ପାଦସ୍ପର୍ଶ କରିଥିଲେ। ଏହାପରେ ଶତୃଘ୍ନ ରେଖାଙ୍କୁ ଉଠାଇ ଆଲିଙ୍ଗନ କରିବା ସହିତ ବର୍ଷବର୍ଷ ଧରି ଥିବା ରାଗକୁ ସବୁଦିନ ପାଇଁ ଭୁଲି ଯାଇଥିଲେ। ଏଦୃଶ୍ୟକୁ ଦେଖି ଘଟଣାସ୍ଥଳରେ ଉପସ୍ଥିତ ଥିବା ସମ‌ସ୍ତେ ଯେତିକି ଆଶ୍ଚର୍ଯ୍ୟ ହୋଇଥିଲେ ଯେତିକି ଖୁସି ବି ହୋଇଯାଇଥିଲେ।