‘ହମ୍ ଆପକେ ହୈ କୌନ୍’ ରିମେକରେ ବରୁଣ ଓ ଆଲିଆ ନାୟକ-ନାୟିକା ହେଲେ ଭଲ ଲାଗିବ: ରେଣୁକା ସାହାଣେ
ମୁମ୍ବାଇ : ପ୍ରାୟ ୨୩ ବର୍ଷ ପୂର୍ବେ ରାଜଶ୍ରୀ ପ୍ରଡ଼କସନ ଦ୍ୱାରା ପ୍ରସ୍ତୁତ ହୋଇଥିବା ‘ହମ୍ ଆପକେ ହୈ କୌନ୍’ ଚଳଚ୍ଚିତ୍ରରେ ମହତ୍ତ୍ୱପୂର୍ଣ୍ଣ ଭୂମିକାରେ ଅଭିନୟ କରିଥିଲେ ରେଣୁକା ସାହାଣେ । ଏକ ଇଣ୍ଟରଭ୍ୟୁ ସମୟରେ ଚଳଚ୍ଚିତ୍ରର ମୁଖ୍ୟ କଳାକାର ସଲମାନ ଏବଂ ମାଧୁରୀଙ୍କ ସ୍ଥାନରେ ସେ କାହାକୁ ଦେଖିବା ପାଇଁ ପସନ୍ଦ କରିବେ ପଚାରା ଯିବାପରେ ସେ ବରୁଣ ଧଓ୍ଵନ ଏବଂ ଆଲିଆ ଭଟ୍ଟଙ୍କର ନାମ ନେଇଥିଲେ ।
Sambad is now on WhatsApp
Join and get latest news updates delivered to you via WhatsApp
‘ଯଦି ଏହି ଚଳଚ୍ଚିତ୍ରର ରିମେକ ଏବେ ପ୍ରସ୍ତୁତ କରାଯାଏ ତେବେ ମୁଁ ଚଳଚ୍ଚିତ୍ରର ଚରିତ୍ର ମାନଙ୍କୁ ଅଧୁନିକ ରୁପରେ ଦେଖିବା ପାଇଁ ପସନ୍ଦ କରିବି । ‘ହମ୍ ଆପକେ ହୈ କୌନ୍’ ଏକ ଫ୍ୟାମିଲିି ଡ଼୍ରାମା, ଯେଉଁଥିରେ ଭାରତୀୟ ବିବାହ ପରମ୍ପରାକୁ ଖୁବ୍ ସୁନ୍ଦର ଭାବେ ଦର୍ଶାଯାଇଛି । ମୋ ମତରେ ଏପରି କାହାଣୀର ଆଜି ମଧ୍ୟ ବଲିଉଡରେ ଚାହିଦା ରହିଛି। ତେବେ ଚଳଚ୍ଚିତ୍ରରେ ଅଭିନୟ କରିଥିବା ନିଶା ଏବଂ ପ୍ରେମର ଭୂମିକାରେ ମୁଁ ବର୍ତ୍ତମାନ କଳାକାରଙ୍କ ମଧ୍ୟରୁ ଆଲିଆ ଏବଂ ବରୁଣଙ୍କୁ ଦେଖିବାକୁ ପସନ୍ଦ କରିବି,’ ବୋଲି ଉତ୍ତର ଦେଇଥିଲେ ରେଣୁକା ।
