ଦେଶଭକ୍ତିକୁ ନେଇ ନିର୍ମାଣ କରାଯାଇଥବା ଏହି ୪ଟି ଫିଲ୍ମ ଦର୍ଶକଙ୍କ ମନ ମୋହିଥିଲା
ଗଣତନ୍ତ୍ର ଦିବସକୁ ଆନନ୍ଦ ସହକାରେ ପାଳନ ଅବସରରେ ଦର୍ଶକ ବିଭିନ୍ନ ଦେଶାତ୍ମବୋଧକ ସିନେମା ଦେଖିଥାନ୍ତି। ଏହା ଫଳରେ ଦେଶର ସ୍ୱାଧୀନତା ସଂଗ୍ରାମ ଓ ଶତ୍ରୁପକ୍ଷ ସହ ଲଢ଼େଇ ସଂପର୍କିତ ଅନେକ ଅଜଣା କାହାଣୀ ସଂପର୍କରେ ଦର୍ଶକ ଅବଗତ ହୋଇପାରି ଥାଆନ୍ତି। ନିକଟ ଅତୀତରେ ବଲିଉଡ୍ରେ ଏଭଳି ଅନେକ ଦେଶାତ୍ମବୋଧକ ଫିଲ୍ମ ରିଲିଜ୍ ହୋଇଛି,ଯାହାକୁ ଦେଖିବା ପରେ ଦର୍ଶକଙ୍କ ମନରେ ଦେଶାତ୍ମବୋଧ ଭାବନା ଜାଗ୍ରତ ହୋଇଛି । ରିଲିଜ୍ ହୋଇଥିବା ସେ ସବୁ ଫିଲ୍ମ ଏବେ ବି ଚିରସବୁଜ ହୋଇ ରହିଛି । ବଲିଉଡ୍ରେ ଏମିତି ୪ଟି ଫିଲ୍ମ ରହିଛି,ଯେଉଁ ସବୁ ଫିଲ୍ମ ଦର୍ଶକଙ୍କ ମନରେ ଦେଶ ପ୍ରତି ସମର୍ପଣ ଏବଂ ସେବାର ଭାବନା ଜାଗ୍ରତ କରିଥିଲା । ଆସନ୍ତୁ ଜାଣିବା ସେ ସବୁ ଫିଲ୍ମ ବିଷୟରେ…..
Sambad is now on WhatsApp
Join and get latest news updates delivered to you via WhatsApp
୧.ସହିଦ୍ ଭଗତ ସିଂହ ଉପରେ ଅନେକ ଫିଲ୍ମ ବିଭିନ୍ନ ଭାଷାରେ ତିଆରି ହୋଇଛି । ୨୦୦୨ରେ ଅଜୟ ଦେବଗନ୍ଙ୍କ ଫିଲ୍ମକୁ ନେଇ ଅଧିକ ଚର୍ଚ୍ଚା ହୋଇଥିଲା । ଅଜୟ ଦେବଗନ୍ଙ୍କ ଫିଲ୍ମ ‘ଦ ଲିଜେଣ୍ଡ ଅଫ୍ ଭଗତ ସିଂହ’ ଏବେ ବି ଲୋକମାନଙ୍କ ମନରେ ଘର କରି ରହିଛି ।
୨.୧୯୭୧ରେ ଭାରତ-ପାକିସ୍ତାନ ମଧ୍ୟରେ ହୋଇଥିବା ଯୁଦ୍ଧକୁ ନେଇ ଜେ.ପି ଦତ୍ତା ‘ବର୍ଡର’ ଫିଲ୍ମ ନିର୍ମାଣ କରିଥିଲେ । ଫିଲ୍ମଟି ୧୯୯୭ରେ ରିଲିଜ୍ ହୋଇଥିଲା । ଫିଲ୍ମଟି ବକ୍ସ ଅଫିସରେ ବ୍ଲକ୍ବଷ୍ଟର ହୋଇଥିବା ବେଳେ ସମସ୍ତଙ୍କ ମନରେ ଦେଶଭକ୍ତିର ଭାବନା ଜାଗ୍ରତ କରିଥିଲା । ଫିଲ୍ମ ଦେଖି ସମସ୍ତଙ୍କ ଆଖିରେ ଲୁହ ଆସି ଯାଇଥିଲା । ଏହି ଫିଲ୍ମ ଅକ୍ଷୟ ଖାନ୍ନା,ସନ୍ନୀ ଦେଓଲ,ସୁନୀଲ ସେଟ୍ଟୀ,ଜାକି ଶ୍ରଫ୍ ପ୍ରମୁଖଙ୍କୁ ଦେଖିବାକୁ ମିଳିଥିଲା ।
୩.୨୦୦୩ରେ ରିଲିଜ୍ ହୋଇଥିଲା ଫିଲ୍ମ ‘ଏଲ୍ଓସି-କାର୍ଗିଲ୍’ । ୧୯୯୯ରେ ଭାରତ-ପାକିସ୍ତାନ ମଧ୍ୟରେ କାର୍ଗିଲରେ ହୋଇଥିବା ଯୁଦ୍ଧକୁ ନେଇ ଫିଲ୍ମଟି ତିଆରି କରାଯାଇଥିଲା । ଏହି ଫିଲ୍ମର ନିର୍ଦ୍ଦେଶନା ଦେଇଥିଲେ ଜେପି ଦତ୍ତା। ଫିଲ୍ମରେ କାର୍ଗିଲ୍ ଯୁଦ୍ଧରେ ସହିଦ ହୋଇଥିବା ଯବାନଙ୍କ କାହାଣୀକୁ ଦେଖା ଯାଇଥିବା ବେଳେ ରିଲିଜ୍ ପରେ ଫିଲ୍ମଟି ସମସ୍ତଙ୍କ ମନକୁ ଛୁଇଁ ଥିଲା । ଏହି ଫିଲ୍ମ ଅଜୟ ଦେବଗନ୍,ଅର୍ମାନ କୋହଲି,ମନୋଜ ବାଜ୍ପେୟୀ,ଆଶୁତୋଷ ରାଣା,ଅଭିଷେକ ବଚ୍ଚନ,ସଞ୍ଜୟ ଦତ୍ତ,ସୈଫ୍ ଅଲ୍ଲୀ ଖାନ୍ଙ୍କୁ ଦେଖିବାକୁ ମିଳିଥିଲା ।
୪. ୧୮୫୭ ସୀପାହୀ ବିଦ୍ରୋହର ନାୟକ ମଙ୍ଗଲ ପାଣ୍ଡେଙ୍କ ଜୀବନୀକୁ ନେଇ ୨୦୦୫ରେ ‘ମଙ୍ଗଲ ପାଣ୍ଡେ-ଦ ରାଇଜିଙ୍ଗ୍’ ରିଲିଜ୍ ହୋଇଥିଲା। ଏଥିରେ ମଙ୍ଗଲ ପାଣ୍ଡେଙ୍କ ଭୂମିକାରେ ନଜର ଆସିଥିଲେ ଅଭିନେତା ଆମୀର ଖାନ୍ । କିନ୍ତୁ ଫିଲ୍ମଟି ବକ୍ସ ଅଫିସରେ ସେତେଟା ସଫଳ ହୋଇ ପାରି ନଥିଲା ।