ଜନ୍ମଦିନର ଶୁଭେଚ୍ଛା ଜଣାଇବା ପାଇଁ ମହେଶ ଭଟ୍ଟଙ୍କ ସହ ନିଜର ଏଭଳି ଫଟୋ ପୋଷ୍ଟ କରି ଟ୍ରୋଲ ହେଲେ ରୀୟା, ଅନୁପ୍-ଜସ୍ଲୀନ୍ଙ୍କ ଯୋଡ଼ି ସହ ତୁଳନା କଲେ ଲୋକେ
ମୁମ୍ବାଇ : ହିନ୍ଦୀ ସିନେମାର ପ୍ରସିଦ୍ଧ ଏବଂ ଲୋକପ୍ରିୟ ନିର୍ଦ୍ଦେଶକ ତଥା ଲେଖକ ମହେଶ ଭଟ୍ଟ ଗୁରୁବାର ନିଜ ୭୦ତମ ଜନ୍ମଦିନ ପାଳନ କରିଛନ୍ତି । ମହେଶ ଭଟ୍ଟଙ୍କ ଜନ୍ମଦିନ ଅବସରରେ ତାଙ୍କୁ ଅନେକ ବଲିଉଡ୍ କଳାକାର ଭିନ୍ନ ଅନ୍ଦାଜରେ ଶୁଭେଚ୍ଛା ଜଣାଇଥିଲେ । କିନ୍ତୁ ଫିଲ୍ମ ‘ଜଲେବି’ର ଅଭିନେତ୍ରୀ ରୀୟା ଚକ୍ରବର୍ତ୍ତୀ ଯେଉଁଭଳି ଭାବରେ ମହେଶ ଭଟ୍ଟଙ୍କୁ ଶୁଭେଚ୍ଛା ଜଣାଇଥିଲେ ତାହା ତାଙ୍କୁ ମହଙ୍ଗା ପଡ଼ିଛି । ରୀୟା ପୋଷ୍ଟ କରିଥିବା ଫଟୋକୁ ନେଇ ଏବେ ସେ ଟ୍ରୋଲ ହେବାରେ ଲାଗିଛନ୍ତି । ଦୁଇ ଜଣଙ୍କ ଫଟୋକୁ ଦେଖିବା ପରେ ସୋସିଆଲ ମିଡିଆ ବ୍ୟବହାରକାରୀମାନେ ବହୁଚର୍ଚ୍ଚିତ ବିଗ୍ ବସ୍ ପ୍ରତିଯୋଗୀ ଅନୁପ୍-ଜସ୍ଲୀନ୍ଙ୍କ ଯୋଡ଼ି ସହ ତୁଳନା କରିବା ଆରମ୍ଭ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରୀୟା ପୋଷ୍ଟ କରିଥିବା ଫଟୋରେ ମହେଶ ଭଟ୍ଟ ତାଙ୍କ କାନ୍ଧ ଉପରେ ମୁଣ୍ଡ ରଖି ଶୋଇଥିବାର ଦେଖା ଯାଇଥିଲା । ଫଟୋ ପୋଷ୍ଟ କରି ମୋ ବୃଦ୍ଧଙ୍କୁ ଜନ୍ମଦିନର ଶୁଭେଚ୍ଛା । ସାର୍ ,ଆପଣ ମୋତେ ସ୍ନେହରେ ଧରିବା ସହ ମୋତେ ଭଲ ପାଇବା ଦେଇଛନ୍ତି । ମୋତେ ସବୁବେଳେ ସ୍ୱାଧୀନ ହୋଇ ଉଡ଼ିବା ଶିଖାଇଛନ୍ତି । ଆପଣଙ୍କ ସଂସ୍ପର୍ଶରେ ଯିଏ ବି ଆସେ ସେ ଆଲୋକିତ ହୋଇଯାଏ ବୋଲି ରୀୟା ଲେଖିଥିଲେ । କିନ୍ତୁ ତାଙ୍କ ଭାବନାକୁ ଲୋକମାନେ ଭୁଲ ବୁଝିବା ସହ ଟ୍ରୋଲ କରିବା ଆରମ୍ଭ କରି ଦେଇଥିଲେ । କିଛି ଲୋକ ଏହା ବିଗ୍ ବସ୍ର ପ୍ରଭାବ ବୋଲି କହିଥିବା ବେଳେ କିଛି ସବୁ ଟୋକା କ’ଣ ମରିଗଲେ ବୋଲି କହିଥିବା ଦେଖା ଯାଇଛି । ଆଉ କିଛି ଲୋକ ଦୁହିଁଙ୍କ ମଧ୍ୟରେ ପ୍ରେମ ସଂପର୍କ ଥିବା ମଧ୍ୟ କହିଥିବା ଦେଖାଯାଇଛି ।