ମୁମ୍ବାଇ: ଗତ କିଛି ଦିନ ହେବ ବଲିଉଡ ଅଭିନେତ୍ରୀ ନିମ୍ରତ କୌର ଖବର ଶିରୋନାମାରେ ଅଛନ୍ତି। ଏହାର କାରଣ ହେଉଛି ଅଭିଷେକ ବଚ୍ଚନଙ୍କ ସହିତ ତାଙ୍କର ସମ୍ପର୍କ ଥିବା ଗୁଜବ। ଅଦ୍ୟାବଧି କେହି ଏ ବିଷୟରେ କିଛି କହି ନାହାନ୍ତି କିନ୍ତୁ ସୋସିଆଲ ମିଡିଆ ବ୍ୟବହାରକାରୀମାନେ ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ମଧ୍ୟରେ ନିମ୍ରତଙ୍କ ନାମକୁ ନେଇ ନାନା ପ୍ରକାର ଚର୍ଚ୍ଚା କରୁଥିବାର ଦେଖିବାକୁ ମିଳୁଛି। ଯଦିଓ ଏହି ଆଲୋଚନା ସହିତ ନିମ୍ରତଙ୍କର କୌଣସି ପ୍ରତ୍ୟକ୍ଷ ସମ୍ପର୍କ ନାହିଁ, ତଥାପି ତାଙ୍କ ନାମ ଖବରରେ ରହିଛି।

Advertisment

ଇଣ୍ଟରନେଟ୍ ବ୍ୟବହାରକାରୀମାନେ ଏଥିପାଇଁ ତାଙ୍କୁ ବହୁତ ଟ୍ରୋଲ କରିଥିଲେ କିନ୍ତୁ ନିମ୍ରତ ଏହାକୁ ଗମ୍ଭୀରତାର ସହ ନେଇ ନ ଥିଲେ। ଏବେ ସେ ଏକ ରିଲ୍ ପୋଷ୍ଟ କରିଛନ୍ତି। ନିମ୍ରତଙ୍କୁ ଟ୍ରୋଲ୍ କରାଯାଇଥିବାର ଏହା ଉପଯୁକ୍ତ ଉତ୍ତର ବୋଲି କୁହାଯାଉଛି। 

ନିମ୍ରତ ‘ଲୋକି ଦେଖତେ ଜଲ ଜାଏ' ନେଇ ଏକ ରିଲ୍ ପୋଷ୍ଟ କରିଛନ୍ତି। ନିମ୍ରତ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏହି ମଜାଳିଆ ରିଲ୍ ପୋଷ୍ଟ କରିଛନ୍ତି।

ଭିଡିଓ କ୍ଲିପ୍‌ରେ ନିମ୍ରତ ଚଟାଣରେ ବସିଥିବା ବେଳେ ତାଙ୍କ ବିଲେଇ ସୋଫାରେ ବସିଥିଲା। ଅଭିନେତ୍ରୀ କହିଥିଲେ ବନ୍ଧୁତା ଏଭଳି ହେବା ଉଚିତ୍ ଯାହାକୁ ନେଇ ଲୋକେ ଇର୍ଷାନ୍ବିତ ହେବେ। ଏକ ସୁନ୍ଦର ବାର୍ତ୍ତା ଦେଇ ନିମ୍ରତ ପାଟିରେ ହାତ ଦେଇଥିବାର ଦେଖିବାକୁ ମିଳୁଛି। 

 

କିଛି ଦିନ ପୂର୍ବରୁ ନିମ୍ରତ ସିଟାଡେଲ ହନି ବନି ଫିଲ୍ମର ସ୍କ୍ରିନିଂରେ ନଜର ଆସିଥିଲେ। ଗଣମାଧ୍ୟମ ସହିତ ବାର୍ତ୍ତାଳାପ ସମୟରେ ଅଭିନେତ୍ରୀଙ୍କୁ ଅନେକ ବିଷୟରେ ପ୍ରଶ୍ନ କରାଯାଇଥିଲା। ସେମାନଙ୍କର ଡେଟିଂ ଗୁଜବ ପାଇଁ ଅଭିଷେକ ବଚ୍ଚନ ଏବଂ ନିମ୍ରତ କୌରଙ୍କୁ ବହୁତ ଟ୍ରୋଲ୍ କରାଯାଇଥିଲା। 

ବିବାହିତ ପୁରୁଷ ଅଭିଷେକ ବଚ୍ଚନଙ୍କ ସହ ସମ୍ପର୍କ ରଖିବା ଏବଂ ଐଶ୍ୱର୍ଯ୍ୟା ରାୟଙ୍କ ଜୀବନ ନଷ୍ଟ କରିଥିବାରୁ ନିମ୍ରତଙ୍କୁ ଟ୍ରୋଲର ଟାର୍ଗେଟ  କରିଥିଲେ। ଯଦିଓ ଏଥିରେ କୌଣସି ସତ୍ୟତା ନାହିଁ, ତଥାପି ଲୋକମାନେ ଦଶଭି ଫିଲ୍ମରେ ଅଭିଷେକଙ୍କ ସହ କାମ କରିଥିବା ଅଭିନେତ୍ରୀ ନିମ୍ରାତଙ୍କୁ ଟ୍ରୋଲ୍ କରିବା ଆରମ୍ଭ କରିଥିଲେ।

ଅଧିକ ପଢ଼ନ୍ତୁ: ଅଗ୍ନିଶମ ସେବା ଆଧୁନିକୀକରଣ: ପଶ୍ଚିମବଙ୍ଗ-ଓଡିଶା-ଛତିଶଗଡ ପାଇଁ ୭୨୫ କୋଟି ଟଙ୍କା ମଞ୍ଜୁର, ଓଡ଼ିଶା ଭାଗରେ ୨୦୧.୧୦ କୋଟି

ପରିସ୍ଥିତିକୁ ଦେଖି କିଛି ଲୋକେ ତାଙ୍କ ସମର୍ଥନରେ ଆସି କହିଥିଲେ ଯେ ଲୋକମାନେ କିପରି ତାଙ୍କ ନିରବତାର ସୁଯୋଗ ନେଉଛନ୍ତି। ନିମ୍ରତଙ୍କ ସମର୍ଥକମାନେ କହିଛନ୍ତି ଯେ ବିନା ଭୁଲରେ ନିମ୍ରତଙ୍କୁ କିପରି ଅନାବଶ୍ୟକ ଭାବେ ଟ୍ରୋଲ୍ କରାଯାଉଛି। ଯଦି ଜଣେ ତାଙ୍କ ଆଇଜି କମେଣ୍ଟ ସେକ୍‌ସନକୁ ଯିବେ ତେବେ ଦେଖିବେ ଯେ ତାଙ୍କର ସମ୍ପୂର୍ଣ୍ଣ ଫିଡ୍ ଖରାପ ମନ୍ତବ୍ୟରେ ପରିପୂର୍ଣ୍ଣ ହୋଇଛି।

ଅଧିକ ପଢ଼ନ୍ତୁ: ମନ୍ଦିର ପ୍ରବେଶକୁ ନେଇ ଉତ୍ତେଜନା: ଦେବାଦେବୀଙ୍କ ମୂର୍ତ୍ତି ବାହାରେ ରଖିଲେ ଅସନ୍ତୁଷ୍ଟ