ଆରଆରଆରଠାରୁ ବି ଅଧିକ ଟଙ୍କାରେ ରାଇଟ୍ସ ବିକ୍ରି କରିବାକୁ ଚାହୁଛନ୍ତି ଅଲ୍ଲୁ ଅର୍ଜୁନ

ମୁମ୍ବାଇ: ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଫିଲ୍ମ 'ପୁଷ୍ପା ୨'କୁ ଏବେ ତାଙ୍କ ପ୍ରଶଂସକମାନେ ଉତ୍ସାହର ସହ ଅପେକ୍ଷା କରିଛନ୍ତି | ଅଲ୍ଲୁ ଅର୍ଜୁନ ଏବଂ ରଶ୍ମିକା ମନ୍ଦନା ଫିଲ୍ମର ସୁଟିଂରେ ଏବେ ବ୍ୟସ୍ତ ଥିବାବେଳେ 'ପୁଷ୍ପା ୨'ର ରାଇଟ୍ସକୁ ନେଇ ବଡ ଖବର ସାମ୍ନାକୁ ଆସିଛି | ଶୁଣିବାକୁ ମିଳୁଛି ଯେ ନିର୍ମାତାମାନେ ଆଗାମୀ ଚଳଚ୍ଚିତ୍ରର ରାଇଟ୍ସ ପାଇଁ ବିପୁଳ ପରିମାଣର ଟଙ୍କା ଦାବି କରିଛନ୍ତି, ଯାହା 'ଆରଆରଆର'ର ରାଇଟ୍ସଠାରୁ ମଧ୍ୟ ଅଧିକ। 'ପୁଷ୍ପା'ର ଅପାର ସଫଳତା ପରେ ଅଲ୍ଲୁ ଅର୍ଜୁନଙ୍କ ପ୍ରଶଂସକଙ୍କ ମଧ୍ୟରେ କ୍ରେଜ୍ ଦେଖିବାକୁ ମିଳୁଥିବା ବେଳେ ଏବେ ନିର୍ମାତା ଏହାର ରାଇଟ୍ସକୁ ବିପୁଳ ଟଙ୍କାରେ ବିକ୍ରି କରିବାକୁ ଚାଁହୁଛନ୍ତି | ଫିଲ୍ମର ରାଇଟ୍ସକୁ ୧୦୫୦ କୋଟିରେ ବିକ୍ରି କରିବାକୁ ଅଲ୍ଲୁ ଅର୍ଜୁନ ନିଷ୍ପତ୍ତି ନେଇଛନ୍ତି।

ତେବେ ଆରଆରଆର ରାଇଟ୍ସ ୭୫୦ କୋଟି ଟଙ୍କାରେ ବିକ୍ରି ହୋଇଥିବାବେଳେ ‘ପୁଷ୍ପା-୨’ର ରାଇଟ୍ସ ମୂଲ୍ୟ ଢେର ଅଧିକ ରହିଛି | ଅନ୍ୟପଟେ 'ପୁଷ୍ପା-୨'ରେ ଅଲ୍ଲୁ ଅର୍ଜୁନଙ୍କ ନୂଆ ଲୁକ୍ ଖୁବ ଶୀଘ୍ର ସାମ୍ନାକୁ ଆସିବ | କୁହାଯାଉଛି ଯେ ଅଲ୍ଲୁ ଅର୍ଜୁନଙ୍କ ୪୧ତମ ଜନ୍ମଦିନ ଅବସରରେ ନିର୍ଦ୍ଦେଶକ ସୁକୁମାର ତାଙ୍କ ଲୁକକୁ ରିଲିଜ କରାଇପାରନ୍ତି | ଉଲ୍ଲେଖ ଥାଉ କି 'ପୁଷ୍ପା: ଦି ରାଇଜ୍' ଗତ ବର୍ଷ ଡିସେମ୍ବର ୧୭ ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। ଏହି ଚଳଚ୍ଚିତ୍ର ତାମିଲ, ତେଲୁଗୁ, ହିନ୍ଦୀ, ମାଲାୟାଲମ୍ ଏବଂ କନ୍ନଡ ଭାଷାରେ ମୁକ୍ତିଲାଭ କରିଥିଲା ​​| ଏହି ଚଳଚ୍ଚିତ୍ରରେ ଅଲ୍ଲୁ ଅର୍ଜୁନ ଲାଲ ଚନ୍ଦନ ଚାଲାଣକାରୀ ପୁଷ୍ପରାଜଙ୍କ ଭୂମିକାରେ ନଜର ଆସିଥିବାବେଳେ ରଶ୍ମିକା ମନ୍ଦନା ଶ୍ରୀବଲି ଭୂମିକାରେ ଅଭିନୟ କରିଥିଲେ। ଏହି ଚଳଚ୍ଚିତ୍ରଟି ୧୧୦ କୋଟି ଟଙ୍କା ରୋଜଗାର କରିଥିଲା | ଅନ୍ୟପକ୍ଷରେ, 'ପୁଷ୍ପା ୨' ରିଲିଜ୍ ବିଷୟରେ କହିବାକୁ ଗଲେ ଏହି ଚଳଚ୍ଚିତ୍ର ୨୦୨୪ ମସିହାରେ ପ୍ରେକ୍ଷାଳୟକୁ ଆସିବ |