ପ୍ରଦୀପ କୁମାର ଦାସଙ୍କ ପ୍ରଯୋଜିତ ତଥା ଏସ୍ ଦିଲୀପ ପଣ୍ଡାଙ୍କ ନିର୍ଦ୍ଦେଶିତ ‘ମୁଁ ତୁମକୁ ଭଲ ପାଏ’ ଆଗାମୀ ନୂଆବର୍ଷ ବେଳକୁ ମୁକ୍ତିଲାଭ କରିବ। ଏ ନେଇ ପ୍ରଯୋଜନା ସଂସ୍ଥା ପକ୍ଷରୁ ସୂଚନା ଦିଆଯାଇଛି। ୟୁ/ଏ ସେନ୍‌ସର୍ ସାର୍ଟିଫିକେଟ୍ ହାସଲ କରିଥିବା ଏହି ଓଡ଼ିଆ ସିନେମାରେ ମୁନ୍ନା, ସପ୍ନା, ପ୍ରିୟଙ୍କା ସାହୁ, ଶ୍ରୀତମ୍ ଦାସ, ପିଣ୍ଟୁ ନନ୍ଦ, ବବି ମିଶ୍ର, କେକେ ଓ ଜୀବନ ପଣ୍ଡା ପ୍ରମୁଖ ଗୁରୁତ୍ବପୂର୍ଣ୍ଣ ଭୂମିକାରେ ନଜର ଆସିବେ। ଏହାର ସଂଳାପ ଲେଖିଛନ୍ତି ଯମେଶ ଶୁକ୍ଳା। ଶ୍ରୀ ରଘୁନାଥ କ୍ରିଏସନ୍ସ ବ୍ୟାନର୍‌ରେ ନିର୍ମିତ ଏହି ସିନେମାର ସଙ୍ଗୀତକାର ହେଲେ ପ୍ରୀତମ ଶୁକ୍ଳା ଓ ବୈଦ୍ୟନାଥ ଦାଶ। ଏହି ପ୍ରେମ କାହାଣୀ ନାୟକ ମୁନ୍ନାଙ୍କର ଦ୍ବିତୀୟ ସିନେମା। ଉଲ୍ଲେଖଯୋଗ୍ୟ, ଅଶୋକ କୁମାର ଦାସଙ୍କ ପ୍ରଯୋଜିତ ତଥା ଶ୍ରୀତମ୍ ଦାସଙ୍କ ନିର୍ଦ୍ଦେଶିତ ‘ଦିୱାନା ହେଲି ତୋ ପାଇଁ’ରେ ମୁନ୍ନାଙ୍କୁ ନାୟକ ଭୂମିକାରେ ଦେଖିବାକୁ ପାଇଥିଲେ ଦର୍ଶକ। ମାତ୍ର ଏହାପରେ ତାଙ୍କୁ ଅନ୍ୟ କୌଣସି ଓଡ଼ିଆ ଛବିରେ ଦେଖିବାକୁ ପାଇନାହାନ୍ତି ସିନେପ୍ରେମୀ।