ଜାଣନ୍ତୁ, ଟିମ୍‌ ଇଣ୍ଡିଆର ଖେଳାଳିଙ୍କୁ ଟୁଇଟ୍‌ କରି କି ଅଜବ ପ୍ରଶ୍ନ ପଚାରିଲେ ଋଷି କପୁର...

ମୁମ୍ବାଇ: ଅନେକ ସମୟରେ ନିଜର ବୟାନ ପାଇଁ କେବେ ଚର୍ଚ୍ଚାରେ ତ କେବେ ବିବାଦରେ ରହିଥାନ୍ତି ଅଭିନେତା ଋଷି କପୁର । ପୂର୍ବରୁ ତାଙ୍କର ଅନେକ ଟୁଇଟ୍‌ ତାଙ୍କୁ ଚର୍ଚ୍ଚାକୁ ଆଣିଥିବା ବେଳେ ଏବେ ସେ ଟିମ୍‌ ଇଣ୍ଡିଆକୁ ନେଇ ଏକ ଅଜବ ପ୍ରଶ୍ନ କରି ଚର୍ଚ୍ଚାରେ ରହିଛନ୍ତି ।

Don’t take this picture as a reference point but why do most of our cricket players sport full facial hair(beards)? All Samson’s?(remember he had his strength in his hair) Surely they look smart and dashing without it. Just an observation! pic.twitter.com/QMLuQ0zikw

— Rishi Kapoor (@chintskap) April 16, 2019

ସୂଚନା ମୁତାବକ, ସୋମବାର ବିସିସିଆଇ ୨୦୧୯ ବିଶ୍ୱକପ ପାଇଁ ୧୫ଜଣିଆ ଭାରତୀୟ କ୍ରିକେଟ ଟିମ୍‌ର ଘୋଷଣା କରିଥିଲେ । ଯାହା ପରେ ବଛା ଯାଇଥିବା ୧୫ଜଣ ଖେଳାଳିଙ୍କ ଫଟୋ ଟୁଇଟ୍‌ କରି ସେମାନେ ଦାଢ଼ି କାହିଁକି ରଖନ୍ତି ବୋଲି ପ୍ରଶ୍ନ କରିଥିଲେ ଋଷି କପୁର । ଫଟୋ ଟୁଇଟ୍‌ କରି, "ମୁଁ ଜାଣି ପାରୁନି ଆମ ଭାରତୀୟ ଖେଳାଳିମାନେ ଦାଢ଼ି କ’ଣ ପାଇଁ ରଖନ୍ତି? କ’ଣ ସମସ୍ତେ ସାମ୍‌ସନ୍‌? ଏମାନେ ବିନା ଦାଢ଼ିରେ ମଧ୍ୟ ସ୍ମାର୍ଟ ଲାଗନ୍ତି । ଏହା କେବଳ ମୋର ଅବଲୋକନ" ବୋଲି ଲେଖିଥିଲେ ଋଷି କପୁର । ନିଜ ଟୁଇଟ୍‌ରେ ଋଷି କପୁର ଯେଉଁ ସାମ୍‌ସନ୍‌ଙ୍କ ନାଁ ନେଇଛନ୍ତି, ସେ ହେଉଛନ୍ତି ପ୍ରାଚୀନ ଇସ୍ରାଏଲ ଯୋଦ୍ଧା । କୁହାଯାଏ କି ସାମ୍‌ସନ୍‌ଙ୍କ ଶକ୍ତି ତାଙ୍କ କେଶରେ ଥିଲା । ଯାହା ପାଇଁ ଥଟ୍ଟାରେ ଋଷି କପୁର ଭାରତୀୟ ଟିମ୍‌କୁ ସାମ୍‌ସନ୍‌ଙ୍କ ସହ ତଳନା କରି ଦେଇଥିଲେ ବୋଲି ଜଣା ପଡ଼ିଛି ।