କୃଷି ଋଣ ଛାଡ଼ ଯୋଜନାର ଲାଭ ଉଠାଇଥିବାର ଆରୋପ ଲାଗିବା ପରେ ଏଭଳି ପ୍ରତିକ୍ରିୟା ରଖିଲେ ରିତେଶ
ନୂଆଦିଲ୍ଲୀ: କମେଡିଆନ୍ ହେଉ ବା ଭିଲେନ, ବଡ଼ ପରଦାରେ ସବୁ ଚରିତ୍ରରେ ନଜର ଆସି ଦର୍ଶକଙ୍କ ମନୋରଞ୍ଜନ କରିଛନ୍ତି ଅଭିନେତା ରିତେଶ ଦେଶମୁଖ। କୌଣସି ଫିଲ୍ମରେ ମୁଖ୍ୟ କଳାକାର ଭାବେ ନଜର ନ ଆସି ମଧ୍ୟ ସେ ନିଜର ସ୍ବତନ୍ତ୍ର ସ୍ଥାନ ତିଆରି କରିଛନ୍ତି। ସବୁବେଳେ ନିଜର ଫିଲ୍ମ ଓ ଅଭିନୟ ପାଇଁ ଚର୍ଚ୍ଚାରେ ରହୁଥିବା ଅଭିନେତାଙ୍କ ଉପରେ ଏବେ କୃଷି ଋଣ ଛାଡ଼ ଯୋଜନାର ଲାଭ ଉଠାଇଥିବାର ଅଭିଯୋଗ ଆସିଛି। ଜଣେ ଟୁଇଟର ବ୍ୟବହାରକାରୀ ଏଭଳି ଅଭିଯୋଗ ଆଣିଥିବା ବେଳେ ଏବେ ଏହାର ଜବାବ ରଖିଛନ୍ତି ରିତେଶ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରିତେଶ ଓ ତାଙ୍କ ଭାଇ ଅମିତ ଦେଶମୁଖଙ୍କ ବିରୋଧରେ ଆସିଥିବା ଅଭିଯୋଗକୁ ଦୁହେଁ ଖଣ୍ଡନ କରିଛନ୍ତି। ଦୁହେଁ କୌଣସି କୃଷି ଋଣ ନେଇ ନ ଥିବା ସହ ଋଣ ଛାଡ଼ ଯୋଜନାର ମଧ୍ୟ ଲାଭ ଉଠାଇ ନଥିବା କହିଛନ୍ତି। ମଙ୍ଗଳବାର ମଧୁ ପୂର୍ଣ୍ଣିମା କିଶୋର ନାମକ ଜଣେ ଟୁଇଟର ବ୍ୟବହାର କରି ରିତେଶ ଓ ତାଙ୍କ ଭାଇ ଅମିତଙ୍କ ଉପରେ ଋଣ ଛାଡ଼ ଯୋଜନାର ଲାଭ ଉଠାଇଥିବାର ଅଭିଯୋଗ ଆଣିବା ସହ ପ୍ରମାଣ ଆକାରରେ ଏକ ଫଟୋ ସେୟାର କରିଥିଲେ। ଟୁଇଟରେ ଲେଖାଥିଲା କି, ମହାରାଷ୍ଟ୍ର ପୂର୍ବ ମୁଖ୍ୟମନ୍ତ୍ରୀ ବିଲାସରାଓ ଦେଶମୁଖଙ୍କ ଦୁଇ ପୁଅ ରିତେଶ ଓ ଅମିତ ଦେଶମୁଖ କୃଷି ଋଣ ଛାଡ଼ର ଲାଭ ଉଠାଇଛନ୍ତି। ସରକାରଙ୍କୁ ୪.୨୫କୋଟି ଟଙ୍କାର ଋଣ ଛାଡ଼ କରିବା ପାଇଁ ଅପିଲ କରିଛନ୍ତି ବୋଲି ଲେଖିଥିଲେ।
Dear @madhukishwar Ji, The said paper in circulation is with malafide motive. Neither me nor my brother @AmitV_Deshmukh have availed any loan as mentioned in the paper posted by you. Hence, there is no question of any loan waiver whatsoever. Please don’t be misled. Thank you. https://t.co/yCfxNt2ZRm
— Riteish Deshmukh (@Riteishd) December 3, 2019
ଏବେ ଏହାର ଜବାବ ରଖି ରିତେଶ କହିଛନ୍ତି କି, ଟୁଇଟରେ ପ୍ରମାଣ ଆକାରରେ ଯେଉଁ ଫଟୋ ସେୟାର କରାଯାଇଛି, ତାହା ନକଲି। ମୁଁ ଓ ମୋ ଭାଇ କୌଣସି ପ୍ରକାରର ଋଣ ନେଇ ନାହୁଁ। ଋଣ ନେଇ ନାହୁଁ ଯେତେବେଳେ ଏହାକୁ ଛାଡ଼ କରିବା ପାଇଁ ଅବେଦନ କାହିଁକି କରିବୁ। ଦୟାକରି ମିଛ ଖବର ପ୍ରସାର କରନ୍ତୁ ନାହିଁ।