ଫିଲ୍ମ ‘ସିମ୍ବା’ରୁ ହୋଇଥିବା ଲାଭରୁ ୫୧ଲକ୍ଷ ଟଙ୍କା ମୁମ୍ବାଇ ପୁଲିସକୁ ଦାନ କଲେ ରୋହିତ୍ ସେଟ୍ଟୀ
ମୁମ୍ବାଇ : କିଛି ଦିନ ତଳେ ଫିଲ୍ମ ‘ଉରୀ: ଦ ସର୍ଜିକାଲ ଷ୍ଟ୍ରାଇକ୍’ର ନିର୍ମାତା ସେନାର ବିଧବା କଲ୍ୟାଣ ପାଣ୍ଠିକୁ ଏକ କୋଟି ଟଙ୍କା ଦାନ କରିଥିଲେ । ଯାହା ପରେ ଏପରି ପଦକ୍ଷପକୁ ଅନେକ ପ୍ରଶଂସା କରାଯାଇଥିଲା । ଏବେ ସେଭଳି କିଛି ରୋହିତ୍ ସେଟ୍ଟୀ କରିଥିବା ଜଣା ପଡ଼ିଛି । ଫିଲ୍ମ ‘ସିମ୍ବା’ ବକ୍ସ ଅଫିସରେ ଭଲ ପ୍ରଦର୍ଶନ କରିଥିବା ବେଳେ ଏଥିରୁ ମିଳିଥିବା ଲାଭରୁ ୫୧ଲକ୍ଷ ଟଙ୍କା ନିର୍ଦ୍ଦେଶକ ରୋହିତ୍ ସେଟ୍ଟୀ ଦାନ କରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ମୁମ୍ବାଇ ପୁଲିସର ବାର୍ଷିକ ସାଂସ୍କୃତିକ କାର୍ଯ୍ୟକ୍ରମ ଉମଙ୍ଗ ୨୦୧୯ରେ ଯୋଗ ଦେଇ ରୋହିତ୍ ସେଟ୍ଟୀ ଏହି ରାଶି ମୁମ୍ବାଇ ପୁଲିସ ଫାଉଣ୍ଡେସନ୍କୁ ଦାନ କରିଥିଲେ । ଚେକ୍ଟି ରୋହିତ୍ ସେଟ୍ଟୀ ପ୍ରଡକ୍ସନ ହାଉସ୍ ତରଫରୁ ଦିଆ ଯାଇଥିବା ବେଳେ ଏହାକୁ ଅଭିନେତା ରଣବୀର ସିଂହ, ଅକ୍ଷୟ କୁମାର,ଅଜୟ ଦେବଗନ ଏବଂ ରୋହିତ୍ ସେଟ୍ଟୀ ମିଶି ଚେକ୍ ହସ୍ତାନ୍ତର କରିଥିଲେ । ଇଭେଣ୍ଟଟି ମୁମ୍ବାଇରେ ବାନ୍ଦ୍ରା କୁର୍ଲା କମ୍ପ୍ଲେକ୍ସ ଦ୍ୱାରା ଜାନୁଆରୀ ୨୭ରେ ଆୟୋଜନ କରାଯାଇଥିଲା । ଯେଉଁଠିକୁ ବଲିଉଡ୍ର ଅନେକ ବଡ଼ ବଡ଼ କଳାକାର ଆସି ଯୋଗ ଦେବା ସହ ମୁମ୍ବାଇ ପୁଲିସର କାର୍ଯ୍ୟଦକ୍ଷତାକୁ ପ୍ରଶଂସା କରିଥିଲେ ।