ଅକ୍ଷୟ କୁମାରଙ୍କ ନାଗରିକତା ବିବାଦ ଉପରେ ନିଜର ପ୍ରତିକ୍ରିୟା ରଖି ରୋହିତ ସେଟ୍ଟୀ କହିଲେ ୨-୩ଦିନ ପରେ…
ମୁମ୍ବାଇ : ଚତୁର୍ଥ ପର୍ଯ୍ୟାୟ ମତଦାନରେ ଭୋଟ୍ ଦେଇ ନଥିବାରୁ ବଲିଉଡ୍ ଅଭିନେତା ଅକ୍ଷୟ କୁମାରଙ୍କ ନାଗରିକତା ଏବଂ ଦେଶଭକ୍ତିକୁ ନେଇ ଲୋକେ ପ୍ରଶ୍ନ ଉଠାଇବା ଆରମ୍ଭ କରି ଦେଇଥିଲେ । ଏ ନେଇ ଅକ୍ଷୟ କୁମାର ଟୁଇଟ୍ କରି ସଫେଇ ଦେଇଥିଲେ ମଧ୍ୟ ଏ ପର୍ଯ୍ୟନ୍ତ ତାଙ୍କୁ ନେଇ ଆରମ୍ଭ ହୋଇଥିବା ବିବାଦ ଥମିବାର ନାଁ ନେଉ ନାହିଁ । ତେବେ ଚାଲୁଥିବା ବିବାଦକୁ ଦେଇ ଏବେ ନିର୍ଦ୍ଦେଶକ ରୋହିତ ସେଟ୍ଟୀ ନିଜର ବୟାନ ଦେଇଛନ୍ତି । ତାଙ୍କ କହିବା ଅନୁଯାୟୀ, ଅକ୍ଷୟ କୁମାର କାଲି ବି ଅକ୍ଷୟ କୁମାର ହିଁ ରହିବେ । ଏହା ହେଉଛି କେବଳ ୨-୩ଦିନର କଥା । ତା’ ପରେ ସବୁ ଚର୍ଚ୍ଚା ଏବଂ ବିବାଦ ବନ୍ଦ ହୋଇଯିବ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନାଗରିକତାକୁ ନେଇ ଅକ୍ଷୟ କୁମାର ଟୁଇଟ୍ କରି ସଫେଇ ଦେଇଥିବା ବେଳେ ତାଙ୍କ ଟୁଇଟ୍ରୁ ଜଣେ ବ୍ୟବହାରକାରୀ ସେ ମିଛ କହୁଥିବା ନେଇ ପ୍ରମାଣ କରି ଥିଲେ । ପୁରୁଣା ଟୁଇଟ୍ର ସ୍କ୍ରିନ୍ସଟ୍ ନେଇ ବ୍ୟବହାରକାରୀଜଣଙ୍କ ସେୟାର କରିଥିଲେ । ଯେଉଁଥିରେ ୨୦୧୪ରେ ଅକ୍ଷୟ କୁମାର କାନାଡ଼ା ଯାଇଥିବା ନେଇ ସ୍ପଷ୍ଟ ହୋଇଥିଲା ।