ସୁଟିଂ ସେଟ୍କୁ ଆସିଲେନି କପିଲ ଶର୍ମା: ୩ ଘଣ୍ଟା ଅପେକ୍ଷା ପରେ ଘରକୁ ଫେରିଲେ ରାଣୀ ମୁଖାର୍ଜୀ
ମୁମ୍ବାଇ : ଦିନ ଥିଲା ଯେତେବେଳେ କପିଲ ଶର୍ମା ସାଜିଥିଲେ କମେଡ଼ି କିଙ୍ଗ । ତାଙ୍କ କମେଡ଼ି ସୋ’କୁ କେବଳ ଦେଶରେ ନୁହେଁ, ଦେଶ ବାହାରେ ଲୋକମାନେ ମଧ୍ୟ ପସନ୍ଦ କରୁଥିଲେ । କଲର୍ସ ଚ୍ୟାନେଲର ଟିଆର୍ପି କିଙ୍ଗ ଥିଲେ କପିଲ । କିନ୍ତୁ ତାଙ୍କ ସହ କଳାକାର ସୁନୀଲ ଗ୍ରୋଭରଙ୍କ ସହ ତାଙ୍କର ଝଗଡ଼ା ହେବା ପରେ ସବୁ କିଛି ବଦଳି ଯାଇଥିଲା । ଧୀରେ ଧୀରେ ତାଙ୍କ ସୋ’ର ଟିଆର୍ପି କମିବା ସହ କର୍ଲସ ଚ୍ୟାନେଲରୁ ତାଙ୍କ ସୋ’କୁ ହଟାଇ ଦିଆ ଯାଇଥିଲା । ଏହା ପରେ ସେ ସୋନି ଚ୍ୟାନେଲରେ ନିଜ ସୋ’କୁ ନୂଆ କରି ଆରମ୍ଭ କରିଥିଲେ । କିନ୍ତୁ ତାହା ମଧ୍ୟ ପରଦାରେ କମାଲ କରି ପାରି ନଥିଲା ।
Sambad is now on WhatsApp
Join and get latest news updates delivered to you via WhatsApp
କିଛି ଦିନର ବ୍ୟବଧାନ ପରେ ସେ ପୁଣି ଏକ ନୂଆ ସୋ’ ନେଇ ‘ଫ୍ୟମିଲି ଟାଇମ୍ ଉଇଥ୍ କପିଲ ଶର୍ମା’ ନେଇ ଆସିଛନ୍ତି, ଯାହାକି ଏବେ ସୋନି ଚ୍ୟାନେଲରେ ପ୍ରସାରିତ ହେଉଛି । କିନ୍ତୁ ଏହି ସୋ’ଟି ପୂର୍ବ ପରି ଲୋକମାନଙ୍କ ମନୋରଞ୍ଜନ କରି ପାରୁନାହିଁ ବୋଲି ଦେଖାଯାଇଛି । କପିଲଙ୍କ ପ୍ରଶଂସକମାନେ ଏହି ସୋ’କୁ ପୂରା ବୋରିଙ୍ଗ ବୋଲି କହିଛନ୍ତି । ଏହା ସହ କୌଣସି କାରଣରୁ କପିଲ ବାରମ୍ବାର ଏହି ସୋ’ର ସୁଟିଂ ରଦ୍ଦ କରୁଥିବାର ଦେଖିବାକୁ ମିଳୁଛି । ପ୍ରଥମେ ‘ବାଗୀ-୨’ର କଳାକାର ଟାଇଗର୍ ଶ୍ରଫ୍ ଏବଂ ଦିଶା ପଟାନୀ ‘ଫ୍ୟମିଲି ଟାଇମ୍ ଉଇଥ୍ କପିଲ ଶର୍ମା’ ସୁଟିଂ ସେଟ୍ରେ ପହଞ୍ଚିଥିଲେ ମଧ୍ୟ କପିଲ ସୁଟିଂ ସେଟ୍ ରେ ପହଞ୍ଚି ନ ଥିଲେ । ଏବେ ପୁଣି ରାଣୀ ମୁଖାର୍ଜୀଙ୍କୁ କପିଲ୍ ୩ ଘଣ୍ଟା ଅପେକ୍ଷା କରାଇଛନ୍ତି ବୋଲି ଜଣା ପଡ଼ିଛି । ଫିଲ୍ମ ‘ହିଚ୍କି’ ର ପ୍ରମୋସନ୍ ପାଇଁ ରାଣୀ ‘ଫ୍ୟମିଲି ଟାଇମ୍ ଉଇଥ୍ କପିଲ ଶର୍ମା’ ସେଟ୍ରେ ପହଞ୍ଚିଥିଲେ ମଧ୍ୟ କପିଲ ଠିକ୍ ସମୟରେ ପହଞ୍ଚି ନ ଥିଲେ । ଫଳରେ ୩ ଘଣ୍ଟା ଅପେକ୍ଷା କରି ନିରାଶ ଦେବା ପରେ ରାଣୀ ଘରକୁ ଫେରି ଯାଇଥିଲେ ବୋଲି ଜଣା ପଡ଼ିଛି । ତେବେ ଏହି ଖବରଟି କେତେ ସତ ତାହା ଜଣା ପଡ଼ିନାହିଁ ।