‘ସାକ୍ରେଡ଼୍ ଗେମ୍ସ’ରେ ଥିବା ନଗ୍ନ ଦୃଶ୍ୟ କରିବା ପୂର୍ବରୁ ଅଭିନେତ୍ରୀଙ୍କୁ ମଦ ପିଇବାକୁ ଦେଇଥିଲେ ନିର୍ଦ୍ଦେଶକ, ୭ଟି ଟେକ୍ ପରେ ‘ଓକେ’ ହୋଇଥିଲା ସଟ୍
ମୁମ୍ବାଇ : ସୈଫ୍ ଅଲ୍ଲୀ ଖାନ୍ ଏବଂ ନଓ୍ଵାଜୁଦ୍ଦିନ୍ ସିଦ୍ଦିକିଙ୍କ ଅଭିନୀତ ଫିଲ୍ମ ‘ସାକ୍ରେଡ଼୍ ଗେମ୍ସ’ ଜୁଲାଇ ୬ରେ ରିଲିଜ ହୋଇ ସାରିଛି । ରିଲିଜ ପରେ କୌଣସି ନା କୌଣସି କାରଣରୁ ଫିଲ୍ମଟି ବିବାଦରେ ଛନ୍ଦି ହେବାରେ ଲାଗିଛି । ଫିଲ୍ମରେ ଥିବା ବିବାଦୀୟ ଡ଼ାଏଲଗ ପାଇଁ ଫିଲ୍ମଟି କମ ବଜେଟର ହୋଇ ମଧ୍ୟ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି । ଆଗରୁ ଫିଲ୍ମରେ ଥିବା ନଓ୍ଵାଜୁଦ୍ଦିନ୍ଙ୍କ ଚରିତ୍ରକୁ ନେଇ ଚର୍ଚ୍ଚା ହୋଇଥିବା ଏବେ ନିଜ ନଗ୍ନ ଦୃଶ୍ୟକୁ ନେଇ ଚର୍ଚ୍ଚାରେ ଅଛନ୍ତି କିନ୍ନର ଚରିତ୍ରରେ ଆସିଥିବା କୁବ୍ରା ସୈତ୍ । କୁବ୍ରା ଏକ ସାକ୍ଷାତକାର ଦେଇ ଫିଲ୍ମରେ ଥିବା ନଗ୍ନ ଦୃଶ୍ୟ କରିବାକୁ ତାଙ୍କୁ କେତେ କଷ୍ଟ ହୋଇଥିଲା ସେ ବିଷୟରେ ଜଣାଇଥିଲେ । ଫିଲ୍ମ ପାଇଁ ଅଡ଼ିସନ କରାଯାଇଥିବା ବେଳେ ମୋତେ ନଗ୍ନ ଦୃଶ୍ୟ ବିଷୟରେ ଜଣା ଯାଇଥିଲା । ଯେତେବେଳେ ଫିଲ୍ମର ସୁଟିଂ ଆରମ୍ଭ ହେଲା ନଗ୍ନ ଦୃଶ୍ୟ କରିବା ପାଇଁ ମୋତେ ବହୁତ କଷ୍ଟ ହୋଇଥିଲା । ୭ଥର ସୁଟ୍ କରିବା ପରେ ଶେଷରେ ଦୃଶ୍ୟଟି ଠିକ୍ ହୋଇଥିଲା ବୋଲି ନିର୍ଦ୍ଦେଶକ ଅନୁରାଗ କଶ୍ୟପ କହିଥିଲେ ।
Sambad is now on WhatsApp
Join and get latest news updates delivered to you via WhatsApp
୭ଥର ଟେକ୍ ନେଉଥିବା ବେଳେ ପ୍ରତିଥର ଅନୁରାଗ ଆସି ମୋତେ କ୍ଷମା ମାଗିବା ସହ ଆଉ ଥରେ ସୁଟ୍ କରିବାକୁ ହେବ ବୋଲି କହୁଥିଲେ । ଶେଷରେ ସେ ମୋତେ ମଦ ପିଇବାକୁ ଦେବା ସହ ଡ଼ାଏଲଗ କହିବା ପାଇଁ କହିଥିଲେ । ଯାହା ପରେ ମୁଁ ଭଲ ଭାବରେ ଦୃଶ୍ୟଟିକୁ କରି ପାରିଥିଲି । ଯେତେବେଳେ ମୁଁ ମୋ ନିଜକୁ ପରଦା ଉପରେ ଦେଖିଲି ମୁଁ କରିଥିବା ଦୃଶ୍ୟଟି ମୋତେ ବହୁତ ଭଲ ଲାଗିଥିଲା । ଏହା କେବଳ ଗୋଟେ ଭଲ ଟିମ୍ ପାଇଁ ସମ୍ଭବ ହୋଇ ପାରିଥିଲା ବୋଲି କୁବ୍ରା କହିଥିଲେ ।