‘ବତ୍ତି ଗୁଲ୍ ମିଟର୍ ଚାଲୁ’ରେ କିଏ ହେବେ ଶାହିଦ୍ କପୁରଙ୍କ ନାୟିକା ?
ବଲିଉଡର ନାମୀ ନାୟକ ଶାହିଦ୍ କପୁର ଏବେ ତାଙ୍କର ନୂଆ ସିନେମା ‘ପଦ୍ମାବତୀ’ର ପ୍ରମୋସନରେ ବ୍ୟସ୍ତ ଅଛନ୍ତି। କୁହାଯାଉଥିଲା ଯେ ଏହା ରିଲିଜ୍ ହେବାପରେ ଶାହିଦ୍ କପୁର ଅନ୍ୟ ସିନେମାର କାହାଣୀ ଶୁଣିବେ ଏବଂ ସାଇନ୍ କରିବେ। ହେଲେ ଏହାଭିତରେ ସେ ଏକ ଫିଲ୍ମ ସାଇନ୍ କରିଥିବାର ଚର୍ଚ୍ଚା ହେଉଛି। ସବୁଠୁ ବଡ଼ କଥା ହେଲା ଯେ ଏହା ଜଣେ ଚର୍ଚ୍ଚିତ ନିର୍ଦ୍ଦେଶକଙ୍କ ସିନେମା। ଚଳିତ ବର୍ଷର ସବୁଠୁ ବଡ଼ ହିଟ୍ ସିନେମା‘ଟଏଲେଟ୍ ଏକ୍ ପ୍ରେମକଥା’ର ନିର୍ଦ୍ଦେଶକଙ୍କ ଫିଲ୍ମରେ ଅଭିନୟ କରିବେ ଶାହିଦ୍ କପୁର । ଏହି ନିର୍ଦ୍ଦେଶକଙ୍କ ନାମ ହେଲା ଶ୍ରୀ ନାରାୟଣ୍ ସିଂହ। ଅକ୍ଷୟ କୁମାର ଷ୍ଟାରର‘ଟଏଲେଟ୍ ଏକ୍ ପ୍ରେମକଥା’ ବ୍ଲକବଷ୍ଟର୍ ମୁଭିର ମାନ୍ୟତା ପାଇବାପରେ ଶ୍ରୀ ନାରାୟଣ୍ ସିଂହଙ୍କର ବଲିଉଡରେ ଡିମାଣ୍ଡ ବଢ଼ିଯାଇଛି।
Sambad is now on WhatsApp
Join and get latest news updates delivered to you via WhatsApp
ଶାହିଦ୍ କପୁର ଯେମିତି କାହାଣୀ ଶୁଣିଲେ ସେ ସେମିତି ତାଙ୍କ ସିନେମାରେ କାମ କରିବାକୁ ରାଜି ହୋଇଗଲେ ବୋଲି ‘ଟଏଲେଟ୍ ଏକ୍ ପ୍ରେମକଥା’ର ନିର୍ଦ୍ଦେଶକ ଶ୍ରୀ ନାରାୟଣ୍ ସିଂହ କହିଛନ୍ତି । ଏହାର କାହାଣୀ ଏବଂ ଚରିତ୍ର ଶାହିଦଙ୍କୁ ସୁଟ୍ କରିଥିବା ହେତୁ ସେ ଶାହିଦ୍ କପୁରଙ୍କୁ ସାଇନ୍ କରିଥିବା କହିଛନ୍ତି। ଏଠାରେ ଯେଉଁ ସିନେମା କଥା କୁହାଯାଉଛି ତାହାର ଟାଇଟଲ୍ ହେଲା ‘ବତ୍ତି ଗୁଲ୍ ମିଟର୍ ଚାଲୁ’। କ୍ରି ଏ ଆର ଜେ ଏଣ୍ଟରଟେନମେଣ୍ଟ ବ୍ୟାନରେ ନିର୍ମିତ । ‘ବତ୍ତି ଗୁଲ୍ ମିଟର୍ ଚାଲୁ’ର ସୁଟିଂ ଖୁବ୍ ଶୀଘ୍ର ଆରମ୍ଭ ହେବ, ହେଲେ ଏଯାବତ୍ ଏଥିରେ କିଏ ନାୟିକା ହେବେ ତାହା ସ୍ଥିରୀକୃତ ହୋଇ ପାରୁ ନଥିବା କୁହାଯାଉଛି।
ପ୍ରଥମେ ଶୁଣିବାକୁ ମିଳୁଥିଲା ଯେ ଦୀପିକା ପାଦୁକୋନ୍ ଏହି ସିନେମାରେ ପୁଣି ଥରେ ଶାହିଦ୍ କପୁରଙ୍କ ବିପକ୍ଷରେ ଅଭିନୟ କରିବେ ହେଲେ ଦୀପିକା ଏହି ପ୍ରୋଜେକ୍ଟରେ ଆଗ୍ରହ ଦେଖାଇଲେ ନାହିଁ। ଏବେ ପ୍ରଯୋଜନା ସଂସ୍ଥା ବଲିଉଡର ଅନ୍ୟତମ ଲୋକପ୍ରିୟ ନାୟିକା କାଟ୍ରିନା କୈଫଙ୍କୁ ଅଫର୍ ଦେଇଥିବା ଜଣାଯାଇଛି। ସେ ରାଜି ହେଉଛନ୍ତି କି ନାହା ଦେଖିବାକୁ ବାକି ଅଛି।