ଏତେ ଜଣ ପ୍ରେମିକା ଥାଇ ମଧ୍ୟ କ’ଣ ପାଇଁ କାହାକୁ ବିବାହ କରି ପାରି ନାହାନ୍ତି ସଲମାନ, କାରଣ ଜଣାଇଲେ ବାପା ସଲିମ୍
ମୁମ୍ବାଇ : ବଲିଉଡ୍ରେ ଏବେ ଦବଙ୍ଗ ଖାନ୍ ସଲମାନଙ୍କ ବିବାହକୁ ନେଇ ତାଙ୍କ ପ୍ରଶଂସକମାନେ ଚିନ୍ତା କରିବା ଆରମ୍ଭ କଲେଣି । ବୟସ ବଢ଼ି ଚାଲିଥିବା ବେଳେ ସଲମାନ ନିଜ ପାଇଁ ଜଣେ ଝିଅ ଠିକ୍ କରି ପାରି ନଥିବା ଦେଖାଯାଇଛି । ଅନେକ ଥର ତାଙ୍କ ନାଁ ଅନେକ ମଡ଼େଲ ଏବଂ ଅଭିନେତ୍ରୀଙ୍କ ସହ ଯୋଡ଼ା ଯାଇଥିଲେ ମଧ୍ୟ ସେ କାହାକୁ ବିବାହ କରିବା ପାଇଁ ରାଜି ହୋଇ ନାହାନ୍ତି । ଏବେ ଏହା ପଛର କାରଣ ଜଣାଇଛନ୍ତି ସଲମାନ ଖାନ୍ଙ୍କ ବାପା ସଲିମ୍ ଖାନ୍ ।
Sambad is now on WhatsApp
Join and get latest news updates delivered to you via WhatsApp
ଏକ ସାକ୍ଷାତକାରେ ସଲମାନ ଏବଂ ତାଙ୍କ ମା’ ସଲମା ଯୋଗ ଦେଇଥିବା ବେଳେ ବାପା ସଲିମ୍ ଭିଡ଼ିଓ କନ୍ଫରେନ୍ସିଙ୍ଗ ଜରିଆରେ ସୋ’ରେ ଯୋଗ ଦେଇଥିଲେ । ସାକ୍ଷାତକାରରେ ସଲମାନଙ୍କ ବିବାହ କଥା ଉଠିବାରୁ ସଲମାନ ତାଙ୍କ ମା’ଙ୍କ ପାଇଁ ବିବାହ କରି ପାରୁ ନଥିବା କହିଥିଲେ ସଲିମ୍ । ସଲମାନ କାମ କରୁଥିବା ଅଭିନେତ୍ରୀଙ୍କୁ ଭଲ ପାଇ ବସନ୍ତି ସତ । କିନ୍ତୁ ବିବାହ ପାଇଁ ସେ ସେହି ଝିଅ ମଧ୍ୟରେ ନିଜ ମା’ଙ୍କ ଗୁଣ ଦେଖିବାକୁ ଚାହିଁଥାନ୍ତି, ଯାହା ସମ୍ଭବ ହୋଇ ନଥାଏ । ଏହି କାରଣ ପାଇଁ ସେ ନିଜ ପ୍ରେମିକାମାନଙ୍କୁ ବିବାହ କରି ପାରି ନାହାନ୍ତି ବୋଲି କହିଥିଲେ ବାପା ସଲିମ୍ ଖାନ୍ ।