ବଲିଉଡ୍ର ସୁପରହିରୋ ହେବା ପାଇଁ ମନା କରିଦେଲେ ଦବଙ୍ଗ ଷ୍ଟାର ସଲମାନ, ଦେଲେ ଆଶ୍ଚର୍ଯ୍ୟ କଲା ଭଳି କାରଣ
ମୁମ୍ବାଇ : ଡିସେମ୍ବର ୨୭ରେ ନିଜର ୫୩ତମ ଜନ୍ମଦିନ ପାଳନ କରିଥିଲେ ବଲିଉଡ୍ର ଦବଙ୍ଗ ଷ୍ଟାର ସଲମାନ ଖାନ୍ । ଏବେ ସଲମାନ ନିଜର ଆଗାମୀ ଫିଲ୍ମ ଭାରତକୁ ନେଇ ବ୍ୟସ୍ତ ଥିବା ବେଳେ ଫିଲ୍ମକୁ କିପରି ସଫଳ କରିବେ ସେ ନେଇ ଚେଷ୍ଟା ଚଳାଇଛନ୍ତି । ଏହି ଫିଲ୍ମରେ ତାଙ୍କ ସହ ନଜର ଆସିବେ ଅଭିନେତ୍ରୀ କ୍ୟାଟ୍ରିନା କୈଫ୍ । ଫିଲ୍ମର ଟିଜର ରିଲିଜ୍ ହେବା ପରେ ଫିଲ୍ମକୁ ନେଇ ଦର୍ଶକଙ୍କ ମନରେ ଉତ୍ସାହ ଭରି ଯାଇଥିବା ଦେଖା ଯାଇଛି । ତେବେ ଭାରତ ରିଲିଜ୍ ହେବା ପୂର୍ବରୁ ସଲମାନଙ୍କୁ ଆଉ ଏକ ଫିଲ୍ମର ଅଫର ମିଳିଥିବା ଜଣାପଡ଼ିଛି । କିନ୍ତୁ ସେ ଅଜବ କାରଣ ଦେଇ ଫିଲ୍ମ କରିବାକୁ ମନା କରି ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନିର୍ଦ୍ଦେଶକ ରୋହିତ୍ ଧଓ୍ଵନ ନିଜର ଫିଲ୍ମ ‘ସୁପରହିରୋ’ ନାମକ ଏକ ଫିଲ୍ମ ନିର୍ମାଣ କରିବା ପାଇଁ ଯୋଜନା କରୁଥିବା ବେଳେ ଏ ନେଇ ସେ ହିରୋ ଖୋଜିବା ଆରମ୍ଭ କରିଛନ୍ତି । ପ୍ରଥମେ ସେ ରିତିିକ୍ ରୋଶନଙ୍କୁ ଫିଲ୍ମ ପାଇଁ ଅଫର ଦେଇଥିବା ବେଳେ ସେ ମନା କରି ଦେଇଥିଲେ । ଏବେ ସଲମାନ ମଧ୍ୟ ଫିଲ୍ମ କରିବା ପାଇଁ ମନା କରି ଦେବା ସହ ସୁପରହିରୋ ହେବା ପାଇଁ ମୋର ବୟସ ନାହିଁ ବୋଲି କହିଛନ୍ତି ସଲମାନ । ସଳମାନଙ୍କ ଏଭଳି ଉତ୍ତର ସମସ୍ତଙ୍କୁ ଟିକେ ଆଶ୍ଚର୍ଯ୍ୟ କରିଛି ।