ଫିଲ୍ମ ‘ଜୁଡଓ୍ଵା’ ପାଇଁ ପ୍ରଥମ ପସନ୍ଦ ଥିଲେ ଗୋବିନ୍ଦା, ଫୋନ କରି ମୋତେ ଫିଲ୍ମ କରିବାକୁ ଦିଅ ବୋଲି ସଲମାନ କହିବାରୁ କିଛି ଭାଗ ସୁଟିଂ କରି ଫିଲ୍ମ ଛାଡ଼ିଥିଲେ ଗୋବିନ୍ଦା
ମୁମ୍ବାଇ: ବଲିଉଡ୍ରେ ଗୋଟେ ସମୟ ଥିଲା, ଯେତେବେଳେ ଲୋକମାନଙ୍କୁ ସିନେମା ଘରକୁ ଟାଣିବା ପାଇଁ କେବଳ ଗୋବିନ୍ଦାଙ୍କ ନାଁ କାଫି ଥିଲା । ତାଙ୍କ ଫିଲ୍ମ ଆସୁଛି ବୋଲି ଜାଣି ଲୋକେ ଥିଏଟରରେ ପହଞ୍ଚି ଯାଉଥିଲେ । ସେତେବେଳେ ତାଙ୍କର ସବୁ ଫିଲ୍ମ ହାଉସ୍ଫୁଲ ରହୁଥିବା ବେଳେ ଏବେ ଲୋକମାନଙ୍କ ଉପରେ ତାଙ୍କ କ୍ରେଜ୍ ଆଉ ନଥିବା ଜଣା ପଡ଼ିଛି । କିଛି ଦିନ ତଳେ ଗୋବିନ୍ଦାଙ୍କ ଏକ ଫିଲ୍ମ ‘ରଙ୍ଗିଲା ରାଜା’ ରିଲିଜ୍ ହେବା ପରେ ଏହା ପ୍ରମାଣିତ ହୋଇଛି । ଫିଲ୍ମକୁ ବକ୍ସ ଅଫିସରେ ସଫଳତା ମିଳି ପାରି ନଥିବା ସହ ଫିଲ୍ମଟି ସୁପରଫ୍ଲପ୍ ହୋଇଥିଲା । ତେବେ କିଛି ଦିନ ତଳେ ପରୁଣା କଥାକୁ ମନେ ପକାଇ ଗୋବିନ୍ଦା ଡେଭିଡ୍ ଧଓ୍ଵନଙ୍କ ଫିଲ୍ମ ‘ଜୁଡଓ୍ଵା’ ବିଷୟରେ ଏକ ଖାସ୍ ଖୁଲାସା କରିଥିଲେ । ଫିଲ୍ମ ‘ଜୁଡଓ୍ଵା’ ପାଇଁ ସଲମାନ ନୁହନ୍ତି ସେ ପ୍ରଥମ ପସନ୍ଦ ଥିଲେ ବୋଲି କହିଛନ୍ତି ଗୋବିନ୍ଦା ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ,”ସଲମାନ ମୋତେ ଫୋନ କରି ଚିଚି ଭାଇ, କେତେ ହିଟ୍ ଦେବ? ଯେଉଁ ଫିଲ୍ମ ଏବେ ଆପଣ ସୁଟ୍ କରୁଛନ୍ତି-’ଜୁଡ଼ଓ୍ଵା’, ମୋତେ ସେ ଫିଲ୍ମ ଦେଇ ଦିଅ ବୋଲି କହିଥିଲେ । ଯାହା ପରେ ଫିଲ୍ମର ସୁଟିଂ ରୋକାଯାଇ ସଲମାନଙ୍କୁ ଫିଲ୍ମ ଦିଆ ଯାଇଥିଲା । ସଲମାନ ମୋ ପାଇଁ ମୋ ପରିବାରର ସଦସ୍ୟ ଭଳି । ସେ ନିଜ ଭିତରେ ହିଁ ଜଣେ ହିରୋ” ବୋଲି କହିଥିଲେ ଗୋବିନ୍ଦା ।