ପାକ୍ରେ ସଙ୍ଗୀତ କାର୍ଯ୍ୟକ୍ରମକୁ ନେଇ ସଲମାନ ଖାନ୍ଙ୍କ କନ୍ସର୍ଟରୁ ବାହାରିଲେ ମିକା
ମୁମ୍ବାଇ : ଭାରତ-ପାକ୍ ମଧ୍ୟରେ ଅଶାନ୍ତିର ବାତାବରଣ ଲାଗି ରହିଥିବା ବେଳେ ବଲିଉଡ୍ କଣ୍ଠଶିଳ୍ପୀ ମିକା ସିଂହ ପାକିସ୍ତାନରେ ଯାଇ ସଙ୍ଗୀତ ପରିବେଷଣ କରିଥିଲେ । ଯାହା ପାଇଁ ତାଙ୍କ ଉପରେ ଅଲ୍ ଇଣ୍ଡିଆ ସିନେ ଓ୍ଵାର୍କସ୍ ଆସୋସିଏସନ୍ ଓ ଫେଡେରେସନ ଅଫ୍ େଓ୍ଵଷ୍ଟର୍ଣ୍ଣ ସିନେ ଏମ୍ପ୍ଲଇଜ୍ ଦ୍ୱାରା ପ୍ରତିବନ୍ଧକ ଲଗାଯାଇଥିଲା । କିନ୍ତୁ ମିକା ନିଜ ଭୁଲ ପାଇଁ କ୍ଷମା ମାଗିବାରୁ ଗତ ଶୁକ୍ରବାର ତାଙ୍କ ଉପରେ ଲାଗିଥିବା ପ୍ରତିବନ୍ଧକ ହଟାଇ ଦିଆଯାଇଥିଲା । ତେବେ ମିକାଙ୍କୁ ଫିଲ୍ମ ଆସୋସିଏନ୍ ପକ୍ଷରୁ କ୍ଷମା ମିଳିିଥିଲେ ମଧ୍ୟ ଲୋକେ ତାଙ୍କୁ କ୍ଷମା କରି ପାରି ନାହାନ୍ତି । ଲୋକଙ୍କ ଅସନ୍ତୋଷ ମନୋଭାବ ଦେଖି ଏବେ ଆମେରିକାରେ ହେବାକୁ ଥିବା ସଲମାନ ଖାନ୍ କନସର୍ଟରୁ ମିକାଙ୍କୁ ଦାଦ କରି ଦିଆଯାଇଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଆମେରିକାର ବିଭିନ୍ନ ସହରରେ ‘ଅପ୍, କ୍ଲୋଜ୍ ଆଣ୍ଡ ପର୍ସନାଲ ଉଇଥ୍ ସଲମାନ’ କାର୍ଯ୍ୟକ୍ରମ ଆୟୋଜିତ ହେବାର ଥିଲା । ଅଗଷ୍ଟ ୨୮ରେ ହଷ୍ଟନ ସହରରେ ମିକା ସଙ୍ଗୀତ ପରିବେଷଣ କରିବେ ବୋଲି ସୂଚନା ମିଳିଥିଲା । ତେବେ ଆୟୋଜନ କରିଥିବା ଇଭେଣ୍ଟ କମ୍ପାନୀ ଜୋର୍ଡି ପଟେଲଙ୍କ ପକ୍ଷରୁ କୁହାଯାଇଥିଲା କି “ଆମେ ଭବେଶ ପଟେଲଙ୍କ ସହ କାମ କରୁଛୁ । ଆମେରିକାର କିଛି ଆଞ୍ଚଳିକ ପ୍ରମୋଟର ମିକାଙ୍କୁ ଡାକିଛନ୍ତି । ସଲମାନଙ୍କ ସହ ତାଙ୍କର କିଛି ସଂପର୍କ ନାହିଁ । ସଲମାନ ତାଙ୍କ ସହ ଷ୍ଟେଜ୍ ମଧ୍ୟ ସେୟାର କରିବେ ନାହିଁ” ।