ସଲମାନଙ୍କ ନାୟିକାଙ୍କୁ ଆର୍ଥିକ ସହାୟତା ଦେଲେ ରବି କିଷନ୍
ମୁମ୍ବାଇ : ପୁଣି ଥରେ ନିଜ ମହାନତାକୁ ପ୍ରମାଣିତ କରିଛନ୍ତି ଭୋଜପୁରୀ ଅଭିନେତା ରବି କିଷନ୍ । ଟ୍ୟୁବରକୁଲୋସିସ୍ ରୋଗରେ ପୀଡ଼ିତ ଥିବା ଫିଲ୍ମ ‘ବୀରଗତି’ର ନାୟିକା ପୂଜା ଡ଼ଡ଼୍ଓ୍ଵାଲଙ୍କୁ ସେ ଆର୍ଥିକ ସହାୟତା ଦେଇଥିବା ଜଣା ପଡ଼ିଛି । ହାଇଦ୍ରାବାଦ୍ରେ ନିଜ ଫିଲ୍ମ ସୁଟିଂରେ ବ୍ୟସ୍ତ ଥାଇ ମଧ୍ୟ ସେ ପୂଜା ଚିକିତ୍ସିତ ହେଉଥିବା ଡ଼ାକ୍ତରଖାନାକୁ ଫଳ ଏବଂ କିଛି ଟଙ୍କା ପଠାଇଥିବା ଜଣା ପଡ଼ିଛି । ପୂଜା ନିଜ ଚିକିତ୍ସା ପାଇଁ ଅର୍ଥାଭାବ ହେତୁ ସଲମାନଙ୍କୁ ଆର୍ଥିକ ସହାୟତା ମାଗିଥିଲେ ମଧ୍ୟ ସଲମାନ ଏ ନେଇ କିଛି ସାହାଯ୍ୟ କରି ନଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ଦିନ ତଳେ ପୂଜା ନିଜ ରୋଗ ବିଷୟରେ କହିବା ସହ ସଲମାନଙ୍କୁ ଚିକିତ୍ସା ପାଇଁ ସାହାଯ୍ୟ ମାଗିଥିଲେ । ମୁଁ ୬ମାସ ପୂର୍ବରୁ ଟିବି ରୋଗରେ ପୀଡ଼ିତ ବୋଲି ଜାଣିଲି । ଏହି ରୋଗର ଚିକିତ୍ସା ପାଇଁ ମୋ ପାଖେ ଅର୍ଥ ନଥିବାରୁ ମୁଁ ସଲମାନଙ୍କୁ ଯୋଗାଯୋଗ କରି ଆର୍ଥିକ ସହାୟତା ମାଗିଥିଲି । କିନ୍ତୁ ଏ ପର୍ଯ୍ୟନ୍ତ ସଲମାନ ଏ ନେଇ କୌଣସି ସହାୟତା ମୋତେ କରି ନାହାନ୍ତି ବୋଲି ପୂଜା ଜଣାଇଥିଲେ । ଏହା ସହ ତାଙ୍କୁ ଆର୍ଥିକ ସହାୟତା ଯୋଗାଇଦେବା ପାଇଁ ସେ ସମସ୍ତଙ୍କୁ ଅନୁରୋଧ ମଧ୍ୟ କରିଥିଲେ । ପୂଜାଙ୍କୁ ସହାୟତା ଦରକାର ବୋଲି ଜାଣିବା ପରେ ତାଙ୍କ ସହ ଫିଲ୍ମ ‘ତୁମ୍ସେ ପ୍ୟାର୍ ହୋ ଗୟା’ରେ କାମ କରିଥିବା ରବି କିଷନ୍ ତୁରନ୍ତ ସାହାଯ୍ୟର ହାତ ବଢ଼ାଇଛନ୍ତି । ପୂଜା ଚିକିତ୍ସିତ ହେଉଥିବା ସେଓ୍ଵରୀର ଟିବି ଡ଼ାକ୍ତରଖାନାକୁ ସେ କିଛି ଅର୍ଥ ଏବଂ ଫଳ ପଠାଇଛନ୍ତି ବୋଲି ଜଣା ପଡ଼ିଛି ।