ଅଡ଼ୁଆରେ ସଲମାନଙ୍କ ଫିଲ୍ମ ‘ଭାରତ’, ଟାଇଟଲକୁ ନେଇ ଦିଲ୍ଲୀ ହାଇକୋର୍ଟରେ ଦାଖଲ ହେଲା ଜନସ୍ୱାର୍ଥ ମାମଲା
ମୁମ୍ବାଇ : ରିଲିଜ୍ ପୂର୍ବରୁ ଅଡ଼ୁଆରେ ସଲମାନଙ୍କ ଫିଲ୍ମ ଭାରତ । ଫିଲ୍ମଟି ଜୁନ୍ ୫ରେ ରିଲିଜ୍ ହେବାକୁ ଥିବା ବେଳେ ଏବେ ଟାଇଟଲକୁ ନେଇ ବିବାଦ ଆରମ୍ଭ ହୋଇଛି । ଦିଲ୍ଲୀ ହାଇକୋର୍ଟରେ ଫିଲ୍ମର ନାଁକୁ ନେଇ ଜନସ୍ୱାର୍ଥ ମାମଲା ଦାଖଲ କରାଯାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଜନସ୍ୱାର୍ଥ ମାମଲା ଦାଖଲକାରୀଙ୍କ କହିବା ଅନୁଯାୟୀ, ଫିଲ୍ମର ନାଁ ‘ଭାରତ’ ରଖାଯିବାରୁ ଲୋକମାନଙ୍କ ଭାବନା ଆହାତ ହେଉଛି, ସେଥିପାଇଁ ଫିଲ୍ମର ନାଁ ତୁରନ୍ତ ବଦଳାଇ ଦିଆଯାଉ । ଫିଲ୍ମର ନାଁ ‘ଭାରତ’ ରଖି ନିର୍ମାତା ଧାରା ୩ ପ୍ରତୀକ ଏବଂ ନାଁର ଅଧିନିୟମର ଉଲ୍ଲଂଘନ କରିଛନ୍ତି । ଏହି ଅଧିନିୟମ ଅନୁଯାୟୀ, ଭାରତ ଶୀର୍ଷକ କୌଣସି ପେସାଦାର ବା ବ୍ୟାବସାୟିକ ଉଦ୍ଦେଶ୍ୟରେ ଉପଯୋଗ କରାଯାଇ ପାରିବ ନାହିଁ । ଏହା ସହ ଫିଲ୍ମର ଏକ ଡାଏଲଗ୍ରେ ସଲମାନ ନିଜ ନାଁକୁ ଦେଶ ସହ ତୁଳନା କରୁଛନ୍ତି, ଯାହାକୁ ରିଲିଜ୍ ପୂର୍ବରୁ ହଟାଯିବା ଆବଶ୍ୟକ ବୋଲି ଦାବି କରିଛନ୍ତି ଦାଖଲକାରୀ ।