କୋଲକାତା: ଆଜି କୋଲକାତାରେ ବଲିଉଡ ସୁପରଷ୍ଟାର ସଲମାନ ଖାନ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଭେଟିଛନ୍ତି। ସଲମାନ କାଲିଘାଟରେ ଥିବା ମମତା ବାନାର୍ଜୀଙ୍କ ବାସଭବନରେ ତାଙ୍କୁ ଭେଟିଥିଲେ। ବାସ୍ତବରେ ପ୍ରତିବର୍ଷ ସଲମାନ ଖାନ ଦି-ବ୍ୟାଙ୍ଗ ଟୁର କରନ୍ତି | ଏଥିରେ ବଲିଉଡ ଇଣ୍ଡଷ୍ଟ୍ରିର ନାମିଦାମୀ କଳାକାରମାନେ ଭାଗ ନେଇଥାନ୍ତି | ତେବେ ଆଜି ସଲମାନ ଖାନ୍ ତାଙ୍କ କାରରୁ ଓହ୍ଲାଇବା ମାତ୍ରେ ମମତା ବାନାର୍ଜୀ ତାଙ୍କୁ ସ୍ୱାଗତ କରିଥିଲେ | ସଲମାନ ଖାନ ଶୁକ୍ରବାର ସନ୍ଧ୍ୟାରେ ଦି-ବ୍ୟାଙ୍ଗ ଟୁର ପାଇଁ କୋଲକାତାରେ ପହଞ୍ଚିଥିଲେ ।
Sambad is now on WhatsApp
Join and get latest news updates delivered to you via WhatsApp
ତାଙ୍କ ସହ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍, ପ୍ରଭୁ ଦେବା ଏବଂ ଆୟୁଷ ଶର୍ମା ମଧ୍ୟ ଥିଲେ। ସଲମାନଙ୍କ ‘କିସି କା ଭାଇ କିସି କି ଜାନ’ର ସହଅଭିନେତ୍ରୀ ପୂଜା ହେଗଡେ ମଧ୍ୟ ଏହି କନ୍ସର୍ଟରେ ଯୋଗଦେବେ ବୋଲି ଆଶା କରାଯାଉଛି। ତେବେ ଏଥର ସଲମାନଙ୍କ ସୁରକ୍ଷାକୁ ନେଇ ବିଶେଷ ଗୁରୁତ୍ୱ ଦିଆଯାଇଛି | ବଲିଉଡ ସୁପରଷ୍ଟାରଙ୍କୁ ଚଳିତ ବର୍ଷ ମୃତ୍ୟୁ ଧମକ ଦିଆଯାଇଛି, ଯାହା ପରେ ତାଙ୍କ ସୁରକ୍ଷାକୁ ବଢ଼ାଇ ଦିଆଯାଇଛି।
ଉଲ୍ଲେଖ ଥାଉ କି ବଲିଉଡର ସବୁଠୁ ବଡ ନୃତ୍ୟ ଏବଂ ମ୍ୟୁଜିକାଲ୍ ସୋ ‘ଦି-ବ୍ୟାଙ୍ଗ’ ଆଜି କୋଲକାତାର ଐତିହାସିକ ଇଷ୍ଟ ବେଙ୍ଗଲ କ୍ଲବରେ ହେଉଛି । ସଲମାନଙ୍କ କୋଟି କୋଟି ପ୍ରଶଂସକ ରହିଥିବା ବେଳେ ଏହି ସୋ’କୁ ନେଇ ପଶ୍ଚିମବଙ୍ଗରେ ପ୍ରବଳ କ୍ରେଜ୍ ଦେଖିବାକୁ ମିଳିଛି।