ବିଗ୍ ବସ୍ର ୧୩ତମ ସିଜିନ୍ ପାଇଁ ଚ୍ୟାନେଲ ସହ ୪୦୩କୋଟି ଟଙ୍କାର ଚୁକ୍ତି କଲେ ସଲମାନ, ଦୁଇଟି ଅଧ୍ୟାୟ ପାଇଁ ନେବେ ୩୧କୋଟି ଟଙ୍କା
ମୁମ୍ବାଇ : ସୁପରଷ୍ଟାର ସଲମାନ ଖାନ୍ ବଡ଼ ବଡ଼ ବଜେଟର ଫିଲ୍ମ କରିବା ସହ ବଡ଼ ବଡ଼ ବ୍ରାଣ୍ଡର ବ୍ରାଣ୍ଡ ଆମ୍ବାସାଡାର ହୋଇ ସାରିଛନ୍ତି । ଏହା ସହ ୯ବର୍ଷ ହେଲାଣି ସେ ରିୟାଲିଟି ସୋ’ ବିଗ୍ ବସ୍ର ହୋଷ୍ଟିଂ ମଧ୍ୟ କରି ଆସୁଛନ୍ତି । ତେବେ ସିଜିନ୍ ବଢ଼ିବା ସହ ସଲମାନଙ୍କୁ ମିଳୁଥିବା ଟଙ୍କା ମଧ୍ୟ ବଢ଼ିବାରେ ଲାଗିଛି । ଆଗକୁ ଆସିବାକୁ ଥିବା ବିଗ୍ ବସ୍ ସିଜିନ୍-୧୩ ପାଇଁ ସଲମାନ ଚ୍ୟାନେଲ ସହ ୪୦୩କୋଟି ଟଙ୍କାର ଡିଲ କରିଥିବା ଜଣା ପଡ଼ିଛି । ସଲମାନ ପୂର୍ବ ବର୍ଷଠାରୁ ୧୦୦କୋଟି ଟଙ୍କା ଅଧିକ ନେଉଥିବା ବେଳେ ସପ୍ତାହର ଦୁଇ ଦିନ ପାଇଁ ତାଙ୍କୁ ଚ୍ୟାନେଲ ତରଫରୁ ୩୧କୋଟି ଟଙ୍କା ଦିଆଯିବ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବିଗ୍ ବସ୍ର ଓ୍ଵିକ୍ଏଣ୍ଡ କା ବାର୍ରେ ନଜର ଆସି ପ୍ରତିଯୋଗୀମାନଙ୍କୁ ସେମାନଙ୍କ ଭୁଲ ଠିକ୍ ବିଷୟରେ ଜଣାଇଥାନ୍ତି ସଲମାନ । ଶନିବାର ଏବଂ ରବିବାର ସଲମାନ ସୋ’ରେ ନଜର ଆସୁଥିବା ବେଳେ ଏହି ୨ଦିନର ଟିଆର୍ପି ରେଟିଂ ମଧ୍ୟ ଅଧିକ ରହିଥାଏ । ଏହାକୁ ଆଖି ଆଗରେ ରଖି ଏବେ ସଲମାନ ଅଧିକ ଟଙ୍କା ଡିମାଣ୍ଡ କରିଥିବା ଜଣା ପଡ଼ିଛି ।