ଦୀର୍ଘ ଦିନର ନୀରବତା ପରେ କୃଷକ ଆନ୍ଦୋଳନ ଉପରେ ନିଜର ମତ ରଖିଲେ ଦବଙ୍ଗବୟ ସଲମାନ

ମୁମ୍ବାଇ: କେନ୍ଦ୍ର ସରକାରଙ୍କ ନୂତନ କୃଷି ଆଇନ୍‌କୁ ନେଇ ଚାଲିଥିବା ଆନ୍ଦୋଳନ ଉପରେ ଗୁରୁବାର ନିଜର ମତ ରଖିଛନ୍ତି ଦବଙ୍ଗ ବୟ ସଲମାନ ଖାନ୍‌। କୃଷି ଆଇନ୍‌କୁ ବିରୋଧ କରି କୃଷକମାନେ କରୁଥିବା ଆନ୍ଦୋଳନକୁ ନେଇ ସଲମାନ କହିଛନ୍ତି କି ‘ଯାହା ଠିକ୍‌ ତାହା ଘଟିବା ଉଚିତ।‘ ଏକ ସାମ୍ବାଦିକଙ୍କ ପ୍ରଶ୍ନର ଉତ୍ତର ଦେଇ ସଲ୍‌ମାନ ଏପରି କହିଛନ୍ତି।

Farmers constitute an extremely important part of our country. And the efforts being undertaken to resolve their issues are evident. Let’s support an amicable resolution, rather than paying attention to anyone creating differences. 🙏🏻#IndiaTogether #IndiaAgainstPropaganda https://t.co/LgAn6tIwWp

— Akshay Kumar (@akshaykumar) February 3, 2021

ଅନ୍ୟ ଅଭିନେତା ଅଭିନେତ୍ରୀମାନଙ୍କ ପରି ସଲମାନ ଏଯାଏ କୃଷି ଆଇନ୍‌କୁ ନେଇ ଟ୍ବିଟରରେ କିଛି ପୋଷ୍ଟ୍‌ କିମ୍ବା କମେଣ୍ଟ୍‌ କରିନାହାନ୍ତି। ପୂର୍ବରୁ କୃଷି ଆଇନ୍‌ ସଂପର୍କରେ ସୁପରଷ୍ଟାର ଶାହାରୁଖ୍‌ ଖାନ୍‌, ଆମୀର ଖାନ୍‌ ଓ ସୈଫ୍‌ ଅଲ୍ଲି ଖାନ୍‌ ଆଦି ମତ ରଖି ସାରିଛନ୍ତି। ସେହିପରି ଖିଲାଡ଼ି ବୟ ଅକ୍ଷୟ କୁମାର, ଅଜୟ ଦେବଗନ୍‌ ଓ ତାପସୀ ପାନ୍ନୁ ଆଦି ଟ୍ବିଟ୍‌ କରି କୃଷକ ଆନ୍ଦୋଳନ ଓ କୃଷି ଆଇନ୍‌ ଉପରେ ନିଜ ନିଜର ମତ ରଖି ସାରିଛନ୍ତି।

Don’t fall for any false propaganda against India or Indian policies. Its important to stand united at this hour w/o any infighting 🙏🏼#IndiaTogether #IndiaAgainstPropaganda

— Ajay Devgn (@ajaydevgn) February 3, 2021

ଉଲ୍ଲେଖଯୋଗ୍ୟ, କେନ୍ଦ୍ର ସରକାରଙ୍କର ୩ଟି ନୂତନ କୃଷି ଆଇନ୍‌କୁ ବିରୋଧ କରି ଗତ ନଭେମ୍ବର ମାସରୁ ଦେଶର ବିଭିନ୍ନ କୃଷକ ସଂଗଠନ ଆନ୍ଦୋଳନ ଚଳାଇ ଆସିଛନ୍ତି। ପଞ୍ଜାବ, ହରିଆଣା ଓ ପଶ୍ଚିମ ଉତ୍ତରପ୍ରଦେଶର କୃଷକମାନେ ଦିଲ୍ଳୀ ସୀମାରେ ଆନ୍ଦୋଳନ ଜାରି ରଖିଛନ୍ତି। କୃଷକମାନେ ଆନ୍ଦୋଳନ କରି ନୂତନ କୃଷି ଆଇନ୍‌କୁ ପ୍ରତ୍ୟାହାର ଦାବି କରି ଆସୁଛନ୍ତି।

If one tweet rattles your unity, one joke rattles your faith or one show rattles your religious belief then it’s you who has to work on strengthening your value system not become ‘propaganda teacher’ for others.

— taapsee pannu (@taapsee) February 4, 2021