କୌଣସି ଫିଲ୍ମକୁ ହଁ କହିବା ପୂର୍ବରୁ ଏହି ବ୍ୟକ୍ତିଙ୍କ ଅନୁମତି ନିଅନ୍ତି ସଲମାନ

ମୁମ୍ବାଇ: ନିଜର ବଳିଷ୍ଠ ଅଭିନୟ ଯୋଗୁଁ ବଲିଉଡ ଅଭିନେତା ସଲମାନ ଖାନଙ୍କୁ ବହୁତ ପସନ୍ଦ କରାଯାଏ। ଏହି ଅଭିନେତା ବର୍ତ୍ତମାନ ପର୍ଯ୍ୟନ୍ତ ଅନେକ ସୁପରହିଟ୍ ବଲିଉଡ ଫିଲ୍ମରେ କାମ କରିଛନ୍ତି। ଏବେ ସେ ତାଙ୍କ ଆଗାମୀ ଫିଲ୍ମ 'ସିକାନ୍ଦର'କୁ ନେଇ ଚର୍ଚ୍ଚାରେ ଅଛନ୍ତି। ଫିଲ୍ମ ଘୋଷଣା ହେବା ପରଠାରୁ ପ୍ରଶଂସକଙ୍କ ଉତ୍ସାହ ବଢ଼ିଛି। ପ୍ରଶଂସକମାନେ ଏହି ଚଳଚ୍ଚିତ୍ରର କାହାଣୀ ଜାଣିବାକୁ ଏବେ ଅନାଇ ବସିଛନ୍ତି। ତାଙ୍କ ଚଳଚ୍ଚିତ୍ରକୁ ନେଇ ଏକ ସାକ୍ଷାତକାର ଦେଉଥିବା ବେଳେ କୌଣସି ଫିଲ୍ମକୁ ହଁ କହିବା ପୂର୍ବରୁ ସେ କାହାର ଅନୁମତି ନିଅନ୍ତି ତାହା ଜଣାଇଛନ୍ତି।

ଜାତୀୟ ମନୋରଞ୍ଜନଧର୍ମୀ ଗଣମାଧ୍ୟମ ପିଙ୍କଭିଲ୍ଲାକୁ ସାକ୍ଷାତକାର ଦେବା ବେଳେ ଫିଲ୍ମର କାହାଣୀ କିଭଳି ବାଛନ୍ତି ବୋଲି ପ୍ରଶ୍ନ କରାଯାଇଥିଲା। ଏହାର ଉତ୍ତରରେ ଅଭିନେତା କହିଥିଲେ- 'ମୋର କ୍ୟାରିୟର ଆରମ୍ଭରୁ ବର୍ତ୍ତମାନ ପର୍ଯ୍ୟନ୍ତ, କୌଣସି ପ୍ରୋଜେକ୍ଟରେ ଦସ୍ତଖତ କରିବା ପୂର୍ବରୁ ମୁଁ ମୋ ବାପାଙ୍କ ଅନୁମତି ନିଏ। ତାଙ୍କର ଅନୁମତି ବିନା ମୁଁ ଏପର୍ଯ୍ୟନ୍ତ କୌଣସି ଫିଲ୍ମର ଅଫର ଗ୍ରହଣ କରିନାହିଁ। ଏହା ମଧ୍ୟ ସତ ଯେ, ମୁଁ ସେହି ଚଳଚ୍ଚିତ୍ରଗୁଡ଼ିକୁ ବାପାଙ୍କ ନିକଟକୁ ନିଏ, ଯାହାର କାହାଣୀ ଶୁଣିବା ପରେ ସେ ହଁ କହିବେ।

'ସିକାନ୍ଦର' ବିଷୟରେ କହିବାକୁ ଗ‌ଲେ ଏହି ଫିଲ୍ମର ନିର୍ଦ୍ଦେଶନା ଦେବେ ଏ.ଆର.ମୁରୁଗାଦାସ। ଏହା ସହ ସାଜିଦ ନାଦିଆଦୱାଲା ଏହି ଚଳଚ୍ଚିତ୍ର ନିର୍ମାଣ କରିବେ। ଏହା ପୂର୍ବରୁ ୨୦୦୮ରେ ଆମୀର ଖାନଙ୍କ ଚଳଚ୍ଚିତ୍ର ଗଜିନି ସହିତ ତାଙ୍କ ଚଳଚ୍ଚିତ୍ର କ୍ୟାରିଅର୍ ଆରମ୍ଭ କରିଥିଲେ ମୁରୁଗାଦାସ।