ମୁମ୍ବାଇ: ଦକ୍ଷିଣ ଫିଲ୍ମ ଇଣ୍ଡଷ୍ଟ୍ରିର ଅନ୍ୟତମ ସଫଳ ଅଭିନେତ୍ରୀ ସାମନ୍ଥା ରୁଥ ପ୍ରଭୁଙ୍କର ଦେଶବିଦେଶରେ ଅନେକ ପ୍ରଶଂସକ ଅଛନ୍ତି | ବିଶେଷକରି ‘ଦି ଫ୍ୟାମିଲି ମ୍ୟାନ୍’ ଏବଂ ‘ପୁଷ୍ପା’ର ଫିଲ୍ମ ପରେ ସାମନ୍ଥାଙ୍କର ବଲିଉଡ ପ୍ରଶଂସକଙ୍କ ସଂଖ୍ୟା ମଧ୍ୟ ବଢ଼ିବାରେ ଲାଗିଛି | ତେବେ ବର୍ତ୍ତମାନ ସାମନ୍ଥା ଏକ ନୂଆ ଖୁଲାସା କରିଛନ୍ତି | ଯେତେବେଳେ ଗତବର୍ଷ ସାମନ୍ଥା, ନାଗା ଚୈତନ୍ୟଙ୍କଠାରୁ ଛାଡପତ୍ର ଘୋଷଣା କରିଥିଲେ ସେତେବେଳେ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଥିଲେ। ଛାଡପତ୍ର ଘୋଷଣା କରିବା ପରଠାରୁ ସାମନ୍ଥା ଏବିଷୟରେ ସେତେ ଖୋଲାଖୋଲି ଭାବେ କେବେ କହି ନାହାଁନ୍ତି | କିନ୍ତୁ ବିବାହିତ ଜୀବନରେ କାହିଁକି ଅସନ୍ତୋଷ ଦେଖାଯାଏ, ତାହା ଅଭିନେତ୍ରୀ ଜଣାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବାସ୍ତବରେ, ସାମନ୍ଥା ଖୁବ୍ ଶୀଘ୍ର କରଣ ଜୋହରଙ୍କ ଶୋ ‘କଫି ୱିଥ୍ କରନ୍ ସିଜନ୍ ୭’ରେ ନଜର ଆସିବେ | ଯାହାର ଏକ ପ୍ରୋମୋ କରଣ ତାଙ୍କ ଇନଷ୍ଟାଗ୍ରାମରେ ସେୟାର କରିଛନ୍ତି | ଏହି ପ୍ରୋମରେ ସାମନ୍ଥା ଦାମ୍ପତ୍ୟ ଜୀବନକୁ ନେଇ କରଣଙ୍କୁ ଟାର୍ଗେଟ କରିଛନ୍ତି | ପ୍ରମୋରେ ଅଭିନେତ୍ରୀ ଜଣକ କହିଛନ୍ତି ଯେ ‘କରଣ ଭାଙ୍ଗିଯାଇଥିବା ବିବାହ ପାଇଁ ତୁମେ ହିଁ କାରଣ | ତୁମେ ଜୀବନକୁ K3G (କଭୀ ଖୁସି କଭୀ ଗମ) ଭାବରେ ଦେଖୁଛ, କିନ୍ତୁ ବାସ୍ତବ ଜୀବନ ‘କେଜିଏଫ’ ପରି ହୋଇଥାଏ |
ସାମନ୍ଥାଙ୍କ ଏହି କଥା ଶୁଣିବା ପରେ କରଣ ମଧ୍ୟ ହସିଛନ୍ତି | ସୂଚନା ଥାଉ କି ସାମନ୍ଥା ଓ ନାଗା ଚୈତନ୍ୟ ୨୦୧୦ ରେ ସାଉଥ୍ ସିନେମାରେ ଅଭିନୟ ଜୀବନ ଆରମ୍ଭ କରିଥିଲେ । ସେମାନେ ୨୦୧୭ ଅକ୍ଟୋବର ୬ ତାରିଖରେ ଗୋଆରେ ବିବାହ କରିଥିଲେ । ତେବେ ଅକ୍ଟୋବର, ୨୦୨୧ରେ ଉଭୟଙ୍କ ମଧ୍ୟରେ ବିବାହ ବିଛେଦ ହୋଇଯାଇଥିଲା |