୬୫ବର୍ଷ ବୟସରେ ପୁଣି ଥରେ ବିବାହ କଲେ ସଞ୍ଜୟ ଦତ୍ତ !

ମୁମ୍ବାଇ: ବଲିଉଡ ଅଭିନେତା ସଞ୍ଜୟ ଦତ୍ତ ପୁଣି ଥରେ ସାତ୍ ଫେରା ନେଇଛନ୍ତି। ୬୫ବର୍ଷ ବୟସରେ ଅଭିନେତା ପୁଣି ଥରେ ବର ହୋଇ ବିବାହ କରିଥିବା ଜଣାଯାଇଛି । ସୋସିଆଲ ମିଡିଆରେ ସଞ୍ଜୟ ଦତ୍ତଙ୍କ ଏକ ଭିଡିଓ ଭାଇରାଲ ହେଉଛି, ଯାହା  ଦେଖି ଜଣାପଡୁଛି ଯେ ଅଭିନେତା ଚତୁର୍ଥ ଥର ବିବାହ କରିଛନ୍ତି | ଏହି ଭିଡିଓରେ ସେ କମଳା ରଙ୍ଗର ଧୋତି-ଭୁର୍ତ୍ତା ପିନ୍ଧିଥିବା ଦେଖାଯାଇଛି। 

View this post on Instagram

A post shared by Mamaraazzi (@mamaraazzi)

ଏବେ ଆପଣ ଭାବୁଥିବେ ସେ ଏବେ ପୁଣି କାହାକୁ ବିବାହ କରିଛନ୍ତି? ତେବେ ଜଣାପଡ଼ିଛି ଯେ, ସଞ୍ଜୟ ଦତ୍ତ ଅନ୍ୟ କାହାକୁ ନୁହେଁ ବରଂ ତାଙ୍କ ତୃତୀୟ ପତ୍ନୀ ମାନ୍ୟତା ଦତ୍ତଙ୍କୁ ପୁଣି ବିବାହ କରିଛନ୍ତି | ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଅଭିନେତା ମାନ୍ୟତାଙ୍କ ହାତ ଧରି ତାଙ୍କ ସହ ସାତ୍ ଫେରା ନେଉଥିବାର ନଜର ଆସିଛନ୍ତି।

ଏହି ଭିଡିଓ ବ୍ୟତୀତ, ମାନ୍ୟତା ନିଜେ ନିଜ ଇନଷ୍ଟାଗ୍ରାମ ଷ୍ଟୋରୀରେ ଦୁଇଟି ଫଟୋ ସେୟାର କରିଥିଲେ | ପ୍ରଥମ ଫଟୋରେ ସେ ଏବଂ ସଞ୍ଜୟ ହବନ୍ କୁଣ୍ଡ ସମ୍ମୁଖରେ ବସିଥିବାର ନଜର ଆସିଥିଲେ | ଏହି ସମୟରେ ସଞ୍ଜୟ ଦତ୍ତ ହଳଦିଆ ରଙ୍ଗର କୁର୍ତ୍ତା ପାଇଜାମା ପିନ୍ଧିଥିବା ଦେଖାଯାଇଥିଲା। ଦ୍ବିତୀୟ ଫଟୋରେ ମାନ୍ୟତା ନିଜର ସେଲଫି ସେୟାର କରିଥିଲେ।