ମୃତ ପ୍ରେମିକଙ୍କୁ ମନେପକାଇ ଭାବପ୍ରବଣ ପୋଷ୍ଟ୍ ଲେଖିଲେ ସଞ୍ଜୁ ତନୟା ତ୍ରିଶଲା
ମୁମ୍ବାଇ: ସଞ୍ଜୟ ଦତ୍ତଙ୍କ ଝିଅ ତ୍ରିଶଲାଙ୍କ ପ୍ରେମିକ ଜୁଲାଇ ୨ ତାରିଖରେ ଏ ଦୁନିଆ ଛାଡ଼ି ଚାଲିଯିବା ପରେ ସେ ଇନ୍ଷ୍ଟାଗ୍ରାମ୍ରେ ତାଙ୍କ ପ୍ରେମିକଙ୍କୁ ମନେପକାଇ ମଙ୍ଗଳବାର ଏକ ଭାବପ୍ରବଣ ପୋଷ୍ଟ୍ ଲେଖିଛନ୍ତି।
Sambad is now on WhatsApp
Join and get latest news updates delivered to you via WhatsApp
ତ୍ରିଶଲା ତାଙ୍କ ପ୍ରେମିକଙ୍କ ସ୍ମୃତିକୁ ମନେପକାଇ ଲେଖିଛନ୍ତି, ‘ମୋ ଦୃଦୟ ଭାଙ୍ଗିଯାଇଛି। ମୋତେ ଭଲପାଇବା ପାଇଁ, ସୁରକ୍ଷା ଦେବା ପାଇଁ ଓ ମୋର ଯତ୍ନ ନେବା ପାଇଁ ଧନ୍ୟବାଦ। ମୋ ଜୀବନ ତୁମ ପାଇଁ ହିଁ ଖୁସିପୂର୍ଣ୍ଣ ହୋଇଛି। ମୁଁ ଭାଗ୍ୟବତୀ ଯେ ତୁମକୁ ଭଲପାଇବାର ସୁଯୋଗ ପାଇଲି ଓ ତୁମ ଭଲପାଇବା ପାଇବାର ସୁଯୋଗ ପାଇଲି। ଚିର ଦିନ ତୁମେ ମନେରହିବ। ଆମେ ଆଉ ଥରେ ନମିଳିବା ପର୍ଯ୍ୟନ୍ତ ମୁଁ ତୁମକୁ ଭଲପାଇବି ଓ ଝୁରି ହେଉଥିବି। ତୁମ ଆତ୍ମାର ସଦ୍ଗତି ହେଉ।’ ଶେଷରେ ସେ ଲେଖିଛନ୍ତି ଯେ ଗତକାଲିଠାରୁ ଓ ଆଜିଠାରୁ ମୁଁ ତୁମକୁ ବେଶି ଭଲପାଏ। ମାତ୍ର ଆସନ୍ତାକାଲିଠାରୁ ନୁହେଁ।’