ଭିଡିଓ କରି ସୀମା-ସଚିନଙ୍କୁ ଥଟ୍ଟାକଲେ ସପନା ଚୌଧୁରୀ, ଲୋକେ କହିଲେ ଏମିତି କଥା

ମୁମ୍ବାଇ: ହରିୟାନାର ଡ଼୍ୟାନ୍ସିଙ୍ଗ ସେନସେସନ୍‌ ସପନା ଚୌଧୁରୀ ତାଙ୍କ ନାଚ ପାଇଁ ଖୁବ ଜଣାଶୁଣା। ସପନା ସୋସିଆଲ ମିଡିଆରେ ବହୁତ ସକ୍ରିୟ ରହିଥାନ୍ତି ଏବଂ ଅନେକ ସମୟରେ ତାଙ୍କ ଡ୍ୟାନ୍ସ ଭିଡିଓକୁ ପ୍ରଶଂସକଙ୍କ ସହ ସେୟାର ମଧ୍ୟ କରିଥାନ୍ତି। ନିକଟରେ ସପନା ଏକ ଭିଡିଓ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି। ଏହି ଭିଡିଓରେ ସେ ପାକିସ୍ତାନରୁ ଭାରତ ଆସିଥିବା ସୀମା ହାଇଦର ଓ ସଚିନଙ୍କ ପ୍ରେମକୁ ପରିହାସ କରୁଥିବା ଦେଖିବାକୁ ମିଳିଛି।

ଭିଡିଓରେ ସପନା ଚୌଧୁରୀ ବାଇଗଣୀ ରଙ୍ଗର ପୋଷାକ ପିନ୍ଧିଥିବା ବେଳେ ତାଙ୍କ ପଛରେ ଜଣେ ପୁଅ ଓ ଝିଅ ସୀମା ଓସଚିନଙ୍କ ଢ଼ଙ୍ଗରେ ରୋମାନ୍ସ କରୁଥିବା ଦେଖିବାକୁ ମିଳିଛି । ସପନା ଚୌଧୁରୀଙ୍କ ଏହି ମଜାଳିଆ ଭିଡିଓ ଉପରେ ଲୋକମାନେ ନିଜ ମତାମତ ଦେଉଛନ୍ତି। ଏଥିରେ ବହୁ ଲୋକ ସପନାଙ୍କୁ ଟ୍ରୋଲ ମଧ୍ୟ କରିଛନ୍ତି। ଜଣେ ବ୍ୟବହାରକାରୀ ଲେଖିଛନ୍ତି, ‘‘ଆପଣ ଯଦି ତାଙ୍କ ଭଲପାଇବାର ମଜା ଉଡାଇବେ ତାହେଲେ ବାକି ଲୋକ କଣ କହିବେ ? ଆଉ ଜଣେ ଲେଖିଛନ୍ତି, ଆପଣ ଜଣେ ସେଲିବ୍ରିଟି, ଏପରି ଏକ ସମ୍ବେଦନଶୀଳ ବିଷୟରେ ଏମିତି ଭିଡିଓ ବନାଇବା ଠିକ ନୁହେଁ।’’

ପାକିସ୍ତାନର ସୀମା ହାଇଦର ଓ ଗ୍ରେଟର ନୋଏଡାରେ ରହୁଥିବା ସଚିନଙ୍କ ପ୍ରେମ କାହାଣୀ ଦୀର୍ଘ ଦିନ ଧରି ହେଡଲାଇନରେ ରହିଆସିଛି। ସୀମା ହାଇଦର ତାଙ୍କ ଚାରି ପିଲାଙ୍କ ସହ ତାଙ୍କଠାରୁ ବୟସରେ ଢ଼େର ସାନ ସଚିନଙ୍କ ସହ ରହିବାକୁ ବେଆଇନ ଭାବେ ଭାରତରେ ପ୍ରବେଶ କରିଥିଲେ, ଯାହା ପରେ ଲୋକମାନେ ସୀମା ଓ ସଚିନଙ୍କ ସମ୍ପର୍କ ଉପରେ ପ୍ରଶ୍ନ କରିଥିଲେ। ବର୍ତ୍ତମାନ ସୁଦ୍ଧା ଭାରତୀୟ ଗୁପ୍ତଚର ସଂସ୍ଥା ସୀମା ହାଇଦରଙ୍କୁ ପଚରାଉଚରା କରୁଛି। କାରଣ ସମସ୍ତେ ସନ୍ଦେହ କରୁଛନ୍ତି ଯେ ସେ ପାକିସ୍ତାନର ଗୁପ୍ତଚର।