ସୁଶାନ୍ତ ସିଂହ ରାଜପୁତ୍ଙ୍କୁ ଡେଟ୍ କରୁଥିବା ନେଇ ହେଉଥିବା ଚର୍ଚ୍ଚାକୁ ମିଛ ବୋଲି କହି କାହାକୁ ଡେଟ୍ କରୁଥିଲେ ସେ ବିଷୟରେ ଜଣାଇଲେ ସାରା
ମୁମ୍ବାଇ : କିଛି ଦିନ ତଳେ ଅଭିନେତ୍ରୀ ସାରା ଅଲ୍ଲୀ ଖାନ୍ ଅଭିନେତା ସୁଶାନ୍ତ ସିଂହ ରାଜପୁତ୍ଙ୍କୁ ଡେଟ୍ କରୁଥିବା ନେଇ ଚର୍ଚ୍ଚା ଆରମ୍ଭ ହୋଇଥିଲା । ସୁଶାନ୍ତଙ୍କ ଜନ୍ମଦିନରେ ସେ ତାଙ୍କ ଘରକୁ କେକ୍ ନେଇ ଯାଇଥିବା ବେଳେ ଦୁହେଁ ସାଥିରେ ଭୋଜନ କରିଥିଲେ । ଏହା ପରେ ଦୁହେଁ ଡେଟ୍ କରୁଥିବା ନେଇ ଚର୍ଚ୍ଚା ଆରମ୍ଭ ହୋଇ ଯାଇଥିଲା। ଏବେ ସେ ସବୁ ଚର୍ଚ୍ଚାକୁ ମିଛ ବୋଲି କହିଛନ୍ତି ସାରା । ଇଣ୍ଡିଆ ଟୁଡେକୁ ଏକ ସାକ୍ଷାତକାର ଦେଇ ସେ ସୁଶାନ୍ତଙ୍କୁ ଡେଟ୍ କରିବା ଖବର ମିଛ ବୋଲି ସଫେଇ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ମୋର ପ୍ରଥମ ପ୍ରେମିକ ବୀର ପହରିଆ ଥିଲେ । ତାଙ୍କ ଠାରୁ ଅଲଗା ହେବା ପରେ ମୁଁ ଏ ପର୍ଯ୍ୟନ୍ତ ଆଉ କାହାକୁ ଡେଟ୍ କରି ନାହିଁ ବୋଲି କହିଥିଲେ ସାରା । ସାରା ବଲିଉଡ୍ରେ ପ୍ରବେଶ କରିବା ପୂର୍ବରୁ ବୀରଙ୍କୁ ଡେଟ୍ କରୁଥିଲେ । ୨୦୧୬ରେ ଦୁହିଁଙ୍କ ଫଟୋକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଆରମ୍ଭ ହୋଇଥିଲା । କିନ୍ତୁ ପରେ ଦୁହେଁ ପରସ୍ପରଠାରୁ ଅଲଗା ହୋଇ ଯାଇଥିଲେ । ବୀର ପୂର୍ବତନ କେନ୍ଦ୍ର ମନ୍ତ୍ରୀ ସୁଶିଲ କୁମାର ସିନ୍ଦେଙ୍କ ନାତି ବୋଲି ଜଣାପଡ଼ିଛି ।